തിരുവനന്തപുരം: സ്വകാര്യ ബസുകള്‍ക്ക് ടിക്കറ്റ് ഇതര വരുമാനം വര്‍ധിപ്പിക്കാന്‍ ബസുകളുടെ അകത്തും പുറത്തും പരസ്യങ്ങള്‍ പ്രദര്‍ശിപ്പിക്കാന്‍ അനുമതി നല്‍കുമെന്ന് ഗതാഗത വകുപ്പ് മന്ത്രി സി.പി. ജോണ്‍ പ്രഖ്യാപിച്ചു. സ്വകാര്യ ബസ് ഉടമകള്‍ നേരിടുന്ന സാമ്പത്തിക പ്രതിസന്ധി പരിഹരിക്കാന്‍ സര്‍ക്കാര്‍ ഗതാഗതനയം നടപ്പാക്കുമെന്നും മന്ത്രി വ്യക്തമാക്കി.

സ്വകാര്യ ബസുകളില്‍ പരസ്യങ്ങള്‍ പതിപ്പിക്കാന്‍ അനുമതി നല്‍കുന്ന തീരുമാനത്തെ ബസ് ഉടമകള്‍ സ്വാഗതം ചെയ്തതായി മന്ത്രി അറിയിച്ചു. കെ.എസ്.ആര്‍.ടി.സിയിലെ പ്രിയദര്‍ശിനി സൗജന്യയാത്ര പദ്ധതി നിലവില്‍ വന്നതോടെ സ്വകാര്യ ബസ് മേഖലയ്ക്ക് ഉണ്ടായ വരുമാന നഷ്ടം കുറയ്ക്കുന്നതിനുള്ള നടപടികളുടെ ഭാഗമായാണ് പുതിയ തീരുമാനം.

ALSO READ: 'എടോ, നിനക്ക് അഡ്രസ് എഴുതാന്‍ അറിയോ?'; വിജയോത്സവ വേദിയില്‍ വിദ്യാര്‍ഥികളെ പരിഹസിച്ച് കെ.ടി. ജലീല്‍ 

പ്രിയദര്‍ശിനി പദ്ധതി സര്‍ക്കാര്‍ നയത്തിന്റെ ഭാഗമാണെന്നും, പദ്ധതി മൂലം സ്വകാര്യ ബസ് മേഖലയ്ക്ക് ഉണ്ടായ ആഘാതം വിശദമായി പഠിക്കാന്‍ ബി. പത്മകുമാര്‍ ചെയര്‍മാനും ഡോ. ശ്രീദേവി വൈസ് ചെയര്‍പേഴ്‌സണുമായ സമിതിയെ നിയോഗിച്ചിട്ടുണ്ടെന്നും മന്ത്രി പറഞ്ഞു. 45 ദിവസത്തിനകം സമിതി റിപ്പോര്‍ട്ട് സമര്‍പ്പിക്കുമെന്നും അദ്ദേഹം അറിയിച്ചു.

പ്രിയദര്‍ശിനി സൗജന്യയാത്രയെ തുടര്‍ന്ന് വരുമാന നഷ്ടം നേരിടുന്ന സ്വകാര്യ ബസുകള്‍ ടിക്കറ്റ് ഇതര വരുമാന മാര്‍ഗങ്ങള്‍ തേടണമെന്ന് മന്ത്രി നേരത്തെ നിര്‍ദേശിച്ചിരുന്നു. അതിന്റെ തുടര്‍ച്ചയായാണ് ബസുകളില്‍ പരസ്യങ്ങള്‍ പ്രദര്‍ശിപ്പിക്കാന്‍ സര്‍ക്കാര്‍ അനുമതി നല്‍കുന്നത്. കെ.എസ.ആര്‍.ടി.സി ബസുകളില്‍ നേരത്തേ തന്നെ പരസ്യങ്ങള്‍ അനുവദിച്ചിരുന്നെങ്കിലും, സ്വകാര്യ ബസുകളുടെ പുറത്ത് പരസ്യങ്ങള്‍ പതിപ്പിക്കാന്‍ അനുമതി ലഭിക്കുന്നത് ഇതാദ്യമാണ്.

Transport Minister C.P. John announced that private buses will be allowed to display advertisements both inside and outside to increase their non-ticket revenue. The minister also stated that the government will implement a transport policy to address the financial crisis faced by private bus owners.