തൃശ്ശൂര്‍: സീനിയര്‍ ഗവണ്‍മെന്റ് പ്ലീഡര്‍ നിയമനവുമായി ബന്ധപ്പെട്ട് മുഖ്യമന്ത്രി വി.ഡി സതീശനും കെ.എസ്.യുവും തമ്മില്‍ കോണ്‍ഗ്രസില്‍ ഉടലെടുത്ത ആഭ്യന്തര ഭിന്നത പുതിയ തലത്തിലേക്ക്. വിഷയത്തില്‍ മുഖ്യമന്ത്രിയെ പിന്തുണച്ചും എഐസിസി ജനറല്‍ സെക്രട്ടറി കെ.സി വേണുഗോപാലിനെ പരിഹസിച്ചും ഓര്‍ത്തഡോക്‌സ് സഭ തൃശ്ശൂര്‍ മെത്രാപ്പൊലീത്ത യൂഹാനോന്‍ മാര്‍ മിലിത്തിയോസ് രംഗത്തെത്തി.

'കെസി പിള്ളേരെക്കൊണ്ട് ചൂടുചോറു വാരിച്ച് കേരളത്തിലെ പാര്‍ട്ടിയേയും വടക്കേ ഇന്‍ഡ്യന്‍ പരുവത്തിലാക്കും' എന്ന് തന്റെ ഫേസ്ബുക്ക് പേജില്‍ മെത്രാപ്പൊലീത്ത കുറിച്ചു. ഉത്തരേന്ത്യയില്‍ കോണ്‍ഗ്രസിന് സംഭവിച്ച തകര്‍ച്ചയ്ക്ക് സമാനമായി, കേരളത്തിലും കെ.സി വേണുഗോപാല്‍ വിഭാഗം ഗ്രൂപ്പ് കളിച്ച് ഭരണകക്ഷിയായ പാര്‍ട്ടിയെ ഇല്ലാതാക്കുമെന്ന ഒളിയമ്പാണ് ഈ വാക്കുകളിലുള്ളത്.

പോസ്റ്റ് പ്രത്യക്ഷപ്പെട്ടതോടെ സൈബര്‍ ഇടങ്ങളില്‍ കോണ്‍ഗ്രസ് അണികള്‍ ചേരിതിരിഞ്ഞ് വന്‍ വാക്‌പോര് ആരംഭിച്ചിരിക്കുകയാണ്. മുഖ്യമന്ത്രി വി.ഡി സതീശന് സമാധാനമായി ഭരിക്കാന്‍ കെ.സി വേണുഗോപാല്‍ അനുവദിക്കുന്നില്ലെന്നും യുവാക്കളെ തെറ്റിദ്ധരിപ്പിച്ച് പാര്‍ട്ടി തകര്‍ക്കാനാണ് നീക്കമെന്നും ഒരു വിഭാഗം ആരോപിക്കുമ്പോള്‍, മെത്രാപ്പൊലീത്തയുടെ രാഷ്ട്രീയ ഇടപെടലിനെ ചോദ്യം ചെയ്തും മുഖ്യമന്ത്രി സതീശനെതിരെ വിമര്‍ശനം ഉന്നയിച്ചും മറുവിഭാഗവും രംഗത്തുണ്ട്.

Thrissur Orthodox Archdiocese Metropolitan Yuhanon Mar Meletius has openly criticized AICC General Secretary KC Venugopal, backing Chief Minister VD Satheesan amid the ongoing internal rift in the Kerala Congress.