റിയോ ഡി ജനീറോ: പാരാലിംപിക്‌സ് മത്സരത്തിനിടെ പരുക്കേറ്റ ഇറാനിയന്‍ സൈക്ലിങ് താരം സറഫ്രാസ് ബഹ്മാന്‍ ഗോല്‍ബര്‍നെസ്ഹാദിന് ദാരുണാന്ത്യം. അപകടത്തെ തുടര്‍ന്ന് ചികിത്സയിലിരിക്കെ ഉണ്ടായ ഹൃദയാഘാതമാണ് താരത്തിന്റെ മരണത്തിന് ഇടയാക്കിയത്.
പുരുഷന്‍മാരുടെ സി4-5 സൈക്ലിങില്‍ മത്സരിക്കുന്നതിനിടെയാണ് സറഫ്രാസിന് അപകടം സംഭവിച്ചത്. നേരത്തെ ലണ്ടന്‍ പാരാലിംപിക്‌സിലും സറഫ്രാസ് പങ്കെടുത്തിരുന്നു. അപകടത്തിന്റെ സാഹചര്യം കണ്ടെത്താന്‍ പാരാലിംപിക്‌സ് കമ്മിറ്റി അന്വേഷണത്തിന് ഉത്തരവിട്ടിട്ടുണ്ട്. 1980ല്‍ യുദ്ധത്തില്‍ പങ്കെടുക്കവേയുണ്ടായ അപകടത്തില്‍ സറഫ്രാസിന് കാല്‍ നഷ്ടമായിരുന്നു. തുടര്‍ന്ന് 2002ലാണ് സറഫ്രാസ് സൈക്ലിങില്‍ മത്സരിക്കാന്‍ ആരംഭിച്ചത്.