ന്യൂഡല്‍ഹി: നീറ്റ് പരീക്ഷാ വിവാദത്തെയും വിദ്യാര്‍ത്ഥി സമരക്കാര്‍ക്കെതിരെയുള്ള പൊലിസ് നടപടിയെയും തുടര്‍ന്ന് തുടര്‍ച്ചയായ ആറു ദിവസത്തെ തടസ്സങ്ങള്‍ക്കൊടുവില്‍, ചോദ്യപേപ്പര്‍ ചോര്‍ച്ചക്കെതിരായ ബില്‍ ചൊവ്വാഴ്ച ലോക്സഭയില്‍  പരിഗണിക്കുന്നു. പ്രതിസന്ധി പരിഹരിക്കുന്നതിനായി സ്പീക്കര്‍ ഓം ബിര്‍ള വിവിധ കക്ഷി നേതാക്കളുമായി നടത്തിയ കൂടിക്കാഴ്ചയെ തുടര്‍ന്നാണ് ചര്‍ച്ചയില്‍ പങ്കെടുക്കാന്‍ പ്രതിപക്ഷം സമ്മതിച്ചത്. പബ്ലിക് എക്‌സാമിനേഷന്‍സ് (പ്രിവന്‍ഷന്‍ ഓഫ് അണ്‍ഫെയര്‍ മീന്‍സ്) ഭേദഗതി ബില്‍, 2026-ല്‍ ചര്‍ച്ച ചെയ്യുന്നതിനായി ലോക്സഭ കുറഞ്ഞത് ആറു മണിക്കൂര്‍ മാറ്റിവെച്ചിട്ടുണ്ട്. രാജ്യസഭയിലും ഈ നിയമനിര്‍മ്മാണത്തെക്കുറിച്ച് ശക്തമായ ചര്‍ച്ചകള്‍ നടക്കുമെന്നാണ് സൂചന. 

ബില്ലിലെ ചര്‍ച്ചയില്‍ പ്രതിപക്ഷം സഭയില്‍ ആഞ്ഞടിച്ചു. 

ALSO READ: 'ക്രിമിനല്‍ പശ്ചാത്തലമില്ലാത്ത 18 വയസ്സില്‍ താഴെയുള്ള എല്ലാവരെയും മോചിപ്പിക്കണം' സി.ജെ.പി പ്രക്ഷോഭത്തില്‍ കേന്ദ്രത്തിനും സംസ്ഥാനങ്ങള്‍ക്കും സുപ്രിം കോടതി നിര്‍ദ്ദേശം

'മോദി സര്‍ക്കാര്‍ യുവാക്കള്‍ക്ക് 'അമൃത്കാല്‍'വാഗ്ദാനം ചെയ്തു. എന്നാല്‍ യുവാക്കള്‍ക്ക് ലഭിച്ചത് ആശങ്കാകാലമാണ്,' ടി.എം.സി എം.പി അഭിഷേക് ബാനര്‍ജിയുടെ സര്‍ക്കാരിനെതിരെയുള്ള പരിഹാസം ഇങ്ങനെ. 

'ഓരോ തലമുറയും അവരവരുടെ റിപ്പോര്‍ട്ട് കാര്‍ഡ് സ്വയം തയ്യാറാക്കുന്നുവെന്ന് ബി.ജെ.പി സര്‍ക്കാര്‍ ഓര്‍ക്കണം. പരാജയത്തിന്റെ  'എഫ്' (എ) ആയിരിക്കും മോദി സര്‍ക്കാരിനെ സംബന്ധിച്ചിടത്തോളം ആ റിപ്പോര്‍ട്ട് കാര്‍ഡ്. ചോദ്യപേപ്പര്‍ ചോര്‍ച്ച തടയുന്നതില്‍ മോദി സര്‍ക്കാര്‍ പരാജയപ്പെട്ടു,' അദ്ദേഹം കൂട്ടിച്ചേര്‍ത്തു. ചോദ്യപേപ്പര്‍ ചോര്‍ച്ച കേന്ദ്രത്തിന് തടയാന്‍ കഴിഞ്ഞില്ലെന്ന് കുറ്റപ്പെടുത്തിയ അദ്ദേഹം ചോദ്യപേപ്പര്‍ വിതരണത്തിന് വ്യോമസേനാ സംവിധാനം ഉപയോഗിച്ചതിനേയും പരിഹസിച്ചു. പ്രതിഷേധക്കാര്‍ക്കെതിരായ പൊലിസ് അതിക്രമത്തേയും അദ്ദേഹം വിമര്‍ശിച്ചു. 

ധര്‍മേന്ദ്ര പ്രധാനെ രാജിവെപ്പിച്ചത് പ്രധാനമന്ത്രിയെ രക്ഷിക്കാനായിരുന്നുവെന്ന് അഖിലേഷ് യാദവ് തുറന്നടിച്ചു. അക്കൗണ്ടബിലിറ്റി എന്നാല്‍ അഴിമതിക്കാരുടെ ബാങ്ക് അക്കൗണ്ടുകള്‍ നിറക്കലാണെന്നാണോ മോദി സര്‍ക്കാര്‍ കരുതുന്നതെന്നും അദ്ദേഹം പരിഹസിച്ചു.

opposition leaders intensified their attack in parliament, with akhilesh yadav alleging dharmendra pradhan was removed to protect the prime minister, while a trinamool congress mp said young people have been left with an uncertain future.