കോഴിക്കോട്: സി.ജെ.പി പ്രക്ഷോഭം നടക്കുന്നതിനിടെ പ്രധാനമന്ത്രി നരേന്ദ്രമോദിയെ സമൂഹമാധ്യമത്തിലൂടെ അവഹേളിച്ചെന്ന പരാതിയില്‍ മേക്കപ്പ് ആര്‍ടിസ്റ്റ് ജാന്‍മണി ദാസിനെതിരെ പൊലിസ് കേസെടുത്തു. മഹിളാ മോര്‍ച്ച നല്‍കിയ പരാതിയില്‍, കോഴിക്കോട് സൈബര്‍ ക്രൈം പൊലിസാണ് കേസെടുത്തത്. 

ബി.എന്‍.എസ് 192, 356 (2), കേരള പൊലിസ് ആക്ട് 120 (ഒ) വകുപ്പുമാണ് ചുമത്തിയത്. മഹിളാമോര്‍ച്ച സംസ്ഥാന അധ്യക്ഷ നവ്യ ഹരിദാസ് കോഴിക്കോട് സിറ്റി പൊലിസ് കമ്മിഷണര്‍ക്ക് നല്‍കിയ പരാതിയെത്തുടര്‍ന്നാണ് നടപടി. 

സമൂഹത്തില്‍ ലഹള ഉണ്ടാക്കണമെന്നും സമാധാനം തകര്‍ക്കണമെന്നുമുള്ള ഉദ്ദേശ്യത്തോടെ പ്രധാനമന്ത്രിയെ അപകീര്‍ത്തിപ്പെടുത്തുകയും അപമാനിക്കുകയും ചെയ്തതായി എഫ്.ഐ.ആറില്‍ പറയുന്നു. 

സംഭവം വിവാദമായതോടെ ജാന്‍മണി ക്ഷമ ചോദിച്ചിരുന്നു. തനിക്ക് നന്നായി മലയാളം പറയാന്‍ അറിയില്ലെന്നും ഭാഷാപ്രയോഗത്തില്‍ സംഭവിച്ച പിഴവാണെന്നുമാണ് ജാന്‍മണി വിശദീകരിച്ചത്. 

Police have registered a case against makeup artist Janmoni over allegations of making derogatory remarks against the Prime Minister. The action follows a complaint accusing Janmoni of posting offensive content on social media. Authorities have initiated an investigation to examine the allegations and determine whether the posts violate applicable laws.