വടകര: അധ്യാപികമാര്‍ ഉള്‍പ്പെട്ട എം.ഡി.എം.എ കേസില്‍ ഒരു അധ്യാപിക കൂടി അറസ്റ്റില്‍. പേരാമ്പ്ര ബി.ആര്‍.സിയിലെ തന്നെ അധ്യാപികയായ കുട്ടോത്ത് സ്വദേശി വലിയ പറമ്പില്‍ വി.പി.നീഷ്മ(30)ആണ് അറസ്റ്റിലായത്. 

കഴിഞ്ഞ ദിവസങ്ങളില്‍ അറസ്റ്റുചെയ്ത അധ്യാപികമാരായ കീര്‍ത്തന, കാവ്യ എന്നിവരെ ചോദ്യം ചെയ്തതില്‍ നിന്നും ലഭിച്ച വിവരത്തെ തുടര്‍ന്നാണ് എസ്.ഐ.ടി സംഘം പ്രതിയെ പിടികൂടിയത്.

വടകര റൂറല്‍ എസ്പി പ്രത്യേക അന്വേഷണ സംഘമാണ് കേസന്വേഷിക്കുന്നത്. ഇന്‍സ്റ്റഗ്രാം വഴിയാണ് ഇവര്‍ ഇടപാടുകാരെ കണ്ടെത്തിയിരുന്നത്.