മാനന്തവാടി: നിയോജകമണ്ഡലത്തിന് കീഴിലെ മുഴുവന്‍ പഞ്ചായത്തുകളിലും മെമ്പര്‍ഷിപ്പ് കണ്‍വന്‍ഷനുകള്‍ നടത്താന്‍ മാനന്തവാടി വ്യാപാരഭവനില്‍ ചേര്‍ന്ന മുസ്‌ലിം ലീഗ് മെമ്പര്‍ഷിപ്പ് ക്യാംപയിന്‍ കണ്‍വന്‍ഷന്‍ തീരുമാനിച്ചു.
ജില്ലാ ലീഗ് വൈസ് പ്രസിഡന്റും റിട്ടേണിങ് ഓഫിസറുമായ പി.കെ അബൂബക്കര്‍ ഉദ്ഘാടനം ചെയ്തു. മണ്ഡലം ലീഗ് പ്രസിഡന്റ് എം.കെ അബൂബക്കര്‍ ഹാജി അധ്യക്ഷനായി. ജില്ലാ ലീഗ് സെക്രട്ടറിമാരായ ടി മുഹമ്മദ്, പി.പി അയ്യൂബ്, സംസ്ഥാന യൂത്ത് ലീഗ് സെക്രട്ടറി കെ.എ മുജീബ്, വനിതാ ലീഗ് ദേശീയ സെക്രട്ടറി ജയന്തി രാജന്‍, ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത്, ഇബ്രാഹിം മാസ്റ്റര്‍, പടയന്‍ അബ്ദുല്ല, കൊരളോത്ത് അമ്മത്, കെ.കെ.സി അബൂബക്കര്‍, പി.കെ അമീന്‍, മമ്മൂട്ടി പാറക്ക, എം.സി ഇബ്രാഹിം ഹാജി, സലാം വെള്ളമുണ്ട, കടവത്ത് മുഹമ്മദ്, ഹുസൈന്‍ കുഴിനിലം, മായിന്‍ മുതിര, കാട്ടില്‍ ഉസ്മാന്‍, യൂനുസ് ടി.കെ, ഡി. അബ്ദുല്ല, റഷീദ് പടയന്‍, പി.വി.എസ് മൂസ, കേളോത്ത് സലിം, ബ്രാന്‍ അബ്ദുല്ല സംസാരിച്ചു. സെക്രട്ടറി പടയന്‍ മുഹമ്മദ് സ്വാഗതവും കേളോത്ത് അബ്ദുല്ല നന്ദിയും പറഞ്ഞു. സെപ്റ്റംബര്‍ 21 ന് മാനന്തവാടി മുനിസിപ്പാലിറ്റിയിലും 22ന് തിരുനെല്ലി പഞ്ചായത്തിലും 23ന് തവിഞ്ഞാല്‍, 24ന് എടവക, 25ന് തൊണ്ടര്‍നാട്, 26ന് വെള്ളമുണ്ട, 27ന് പനമരം പഞ്ചായത്തുകളിലും കണ്‍വന്‍ഷനുകള്‍ നടക്കും.