ഓക്‌ലന്‍ഡ്: ഇന്ത്യക്കെതിരായ ഏകദിന പരമ്പരയ്ക്കുള്ള ന്യൂസിലന്‍ഡ് ടീമില്‍ കൊറി ആന്‍ഡേഴ്‌സനും. സ്‌പെഷലിസ്റ്റ് ബാറ്റ്‌സ് മാനായാണ് ആന്‍ഡേഴ്‌സന്‍ ടീമിലേക്ക് തിരിച്ചെത്തുന്നത്. അഞ്ചു മത്സരങ്ങളടങ്ങിയ ഏകദിന പരമ്പരയ്ക്കായി 15 അംഗ ടീമിനെയാണ് തിരഞ്ഞെടുത്തത്.
ബാറ്റ്‌സ്മാന്‍ ആന്റണ്‍ ഡേവ്‌സിചിനേയും ടീമിലേക്ക് തിരികെ വിളിച്ചിട്ടുണ്ട്. വിക്കറ്റ് കീപ്പര്‍ ബി.ജെ വാട്‌ലിങ്, ടെസ്റ്റ് ടീമിലേക്ക് മടക്കി വിളിച്ച ജെയിംസ് നീഷം എന്നിവരും ഏകദിന ടീമിലിടം പിടിച്ചിട്ടുണ്ട്. അതേസമയം ടെസ്റ്റ് ടീമിലുള്ള ഹെന്റി നിക്കോള്‍സിനെ ഏകദിന ടീമിലുള്‍പ്പെടുത്തിയില്ല.
മക്ഗ്ലനാഗന്‍, ആദം മില്‍നെ, കോളിന്‍ മണ്‍റോ, ജോര്‍ജ് വര്‍കര്‍, ഗ്രാന്‍ഡ് ഇലിയറ്റ് എന്നിവരേയും ഏകദിന ടീമിലേക്ക് പരിഗണിച്ചില്ല.
പരുക്കിനെ തുടര്‍ന്ന് ആറു മാസത്തിലധികമായി ടീമില്‍ നിന്നു വിട്ടുനില്‍ക്കുയായിരുന്നു ആന്‍ഡേഴ്‌സന്‍. മൂന്നു വര്‍ഷത്തിനു ശേഷമാണ് വാട്‌ലിങ് ടീമിലേക്ക് മടങ്ങിയെത്തുന്നത്. ഡേവ്‌സിച് രണ്ടു വര്‍ഷത്തിനു ശേഷമാണ് ടീമിന്റെ ഭാഗമാകുന്നത്.