മലപ്പുറം: കമ്പക്കോടന്‍ കുടുംബസംഗമം ഈ മാസം 21ന് തെയ്യാല മഹര്‍ പ്ലാസ ഓഡിറ്റോറിയത്തില്‍ നടക്കും. രാവിലെ ഒന്‍പതിന് പി.കെ അബ്ദുറബ്ബ് എം.എല്‍.എ ഉദ്ഘാടനം ചെയ്യും. റിലീഫ് ഫണ്ട് വിതരണം വി അബ്ദുറഹ്മാന്‍ എം.എല്‍.എയും കുടുംബ ഡയറക്ടറി പ്രകാശനം ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണനും നിര്‍വഹിക്കും.
സുലൈമാന്‍ മേല്‍പ്പത്തൂര്‍ ക്ലാസെടുക്കും. മൂന്നു നൂറ്റാണ്ടുകള്‍ക്ക് മുമ്പ് മലപ്പുറംപടയില്‍ പങ്കെടുത്ത കമ്പക്കോടന്‍ കുടുംബത്തിന് മലപ്പുറം ജില്ലക്ക് പുറമെ കോഴിക്കോട്, നീലഗിരി മേഖലകളിലും വേരുകളുണ്ട്. ഫോണ്‍: 9446350047. വാര്‍ത്താസമ്മേളനത്തില്‍ കെ.കെ മൊയ്തീന്‍കുട്ടി ഹാജി, കെ.കെ സൂപ്പി രണ്ടത്താണി, കെ.കെ.എ നാസര്‍ ദാരിമി കരുവാന്‍കല്ല്, കെ.കെ.എ സലാം കരുവാന്‍കല്ല്, കെ.കെ ബഷീര്‍ കൊടിഞ്ഞി പങ്കെടുത്തു.