കൊണ്ടോട്ടി: പിണറായി വിജയന്റെ നേതൃത്വത്തിലുള്ള എല്‍.ഡി.എഫ് സര്‍ക്കാര്‍ മദ്യലോബിയുമായി ഒത്തുകളിക്കുകയാണെന്ന് മുസ്‌ലിം ലീഗ് ദേശീയ സെക്രട്ടറി ഇ.ടി. മുഹമ്മദ് ബഷീര്‍ എം.പി പറഞ്ഞു. കോടങ്ങാട് മുസ്‌ലിം യൂത്ത് ലീഗ് കെ.എം.സി.സി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
എല്‍.ഡി.എഫ് വന്നതോടെ കേരളത്തില്‍ കൊലപാതകരാഷ്ട്രീയം തിരിച്ചുവന്നിരിക്കുകയാണെന്ന് മുഖ്യാതിഥിയായിരുന്ന ടി.എന്‍. പ്രതാപന്‍ അഭിപ്രായപ്പെട്ടു. പള്ളിക്കല്‍ അബ്ദുല്‍ ജലീല്‍ അധ്യക്ഷനായി. ടി.വി. ഇബ്രാഹീം എം.എല്‍.എ, പാറക്കല്‍ അബ്ദുല്‍ എം.എല്‍.എ, എ.പി. ഉണ്ണികൃഷ്ണന്‍, കെ. മുഹമ്മദുണ്ണി ഹാജി, അഡ്വ.വി.കെ ഫൈസല്‍ ബാബു, അഡ്വ.കെ.കെ ഷാഹുല്‍ ഹമീദ്, സിദ്ദീഖ് പന്താവൂര്‍, എ. മുഹിയുദ്ദീന്‍ അലി, കെ. കോയ, തെരുവത്ത് നാരായണന്‍, എന്‍.എ കരീം, സി. ഹംസ സംസാരിച്ചു.