കാസര്‍കോട്: അണങ്കൂര്‍ സ്വദേശിയായ ഡോ. അനൂപിനു ദില്ലിയിലെ ഓള്‍ ഇന്ത്യാ ഇന്‍സ്ടിട്യൂറ്റ് ഓഫ് മെഡിക്കല്‍ സയന്‍സസിന്റെ 2015 ലെ ഡോ.ശ്യാം ശര്‍മ്മാ മെഡല്‍. എം.ഡി (റേഡിയോളജി) കോഴ്‌സിലെ പഠന പ്രവര്‍ത്തന മികവ് പരിഗണിച്ചാണ് ഇതേ സ്ഥാപനത്തില്‍ തന്നെ പ്രവര്‍ത്തിക്കുന്ന അനൂപിനെ ഈ അംഗീകാരത്തിനു തിരഞ്ഞെടുത്തത്. 25നു കേന്ദ്ര ആരോഗ്യ മന്ത്രി ജെ.പി നഡ്ഡ പുരസ്‌കാരം സമ്മാനിക്കും.
റേഡിയോളജിയില്‍ ദില്ലി എ.ഐ.എം. എസില്‍ എം.ഡി പാസ്സായി ഇവിടെ സേവനം തുടരുകയാണ് അനൂപ്. കൃഷി വകുപ്പില്‍ നിന്നു ജോയന്റ് ഡയറക്ടരായി വിരമിച്ച കരിവെള്ളൂര്‍ സ്വദേശി മടയമ്പത്ത് എം ഭാസ്‌ക്കരന്‍-ശശികല ദമ്പതികളുടെ മകനാണ്. മംഗളൂരു കെ.എസ് ഹെഗ്‌ഡെ ഇന്‍സ്റ്റിറ്റിയുട്ട് ഓഫ് മെഡിക്കല്‍ സയന്‍സ് വിദ്യാര്‍ഥിനി ഡോ. ഇഷയാണ് ഭാര്യ. ബംഗളൂരുവില്‍ ഐ.ടി എന്‍ജിനീയറായ അനീഷ് ഏക സഹോദരനാണ്.