ഇരിക്കൂര്‍: ബ്ലാത്തൂര്‍ ജമാഅത്ത് കമ്മിറ്റിയുടെ ആഭിമുഖ്യത്തില്‍ ശംസുല്‍ ഉലമാ ചാരിറ്റബിള്‍ ട്രസ്റ്റിന്റെ പ്രവര്‍ത്തനോദ്ഘാടനവും സ്വലാത്ത് മജ്‌ലിസും 22നു രാത്രി ഏഴിന് ബ്ലാത്തൂര്‍ ജുമാമസ്ജിദ് അങ്കണത്തില്‍ നടക്കും.
ട്രസ്റ്റ് പാണക്കാട് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് അസ്‌ലം തങ്ങള്‍ അല്‍മശ്ഹൂര്‍ പ്രാര്‍ഥന നടത്തും.
ജമാഅത്ത് കമ്മിറ്റി പ്രസിഡന്റ് കെ.കെ അബ്ദുല്ല ഹാജി അധ്യക്ഷനാകും. സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍ ഉദ്‌ബോധനം നടത്തും.
എ.കെ അബ്ദുല്‍ ബാഖി മുഖ്യപ്രഭാഷണം നടത്തും. ശംസുല്‍ ഉലമ ചാരിറ്റബിള്‍ ട്രസ്റ്റ് ചെയര്‍മാന്‍ പി.കെ അബൂബക്കര്‍ ഹാജി ബ്ലാത്തൂര്‍ സഹായ വിതരണം നടത്തും. സ്വലാത്ത് മജ്‌ലിസിനു മാണിയൂര്‍ അഹ്മദ് മുസ്‌ലിയാര്‍ നേതൃത്വം നല്‍കും. തുടര്‍ന്ന് അന്നദാനവും ഉണ്ടാകും.