കൊണ്ടോട്ടി: കരിപ്പൂര്‍ വിമാനത്താവളത്തില്‍ വിദേശത്തു നിന്ന് എത്തിയ യാത്രക്കാരന്റെ ബാഗേജ് നഷ്ടമായി. കണ്ണൂര്‍ കൂത്തുപറമ്പ് സ്വദേശി ബാലന്റെ(29) ബാഗേജാണ് നഷ്ടമായത്. മസ്‌കറ്റില്‍ നിന്ന് ഇന്നലെ രാവിലെ 7.45ന് എത്തിയ എയര്‍ഇന്ത്യ എക്‌സ്പ്രസ് വിമാനത്തിലാണ് ഇയാള്‍ കരിപ്പൂരിലത്തെിയത്.
കണ്‍വയര്‍ ബെല്‍റ്റില്‍ നിന്ന് ബാഗ് എടുത്തു മാറ്റിവച്ചപ്പോഴാണ് സംഭവം. അടുത്ത ബാഗിനായി കാത്തുനില്‍ക്കുന്നതിനിടെയാണ് ആദ്യബാഗ് മോഷണം പോയത്. തുടര്‍ന്ന് ഇയാള്‍ കസ്റ്റംസില്‍ പരാതിപ്പെട്ടെങ്കിലും നടപടികളൊന്നുമുണ്ടായില്ല. പിന്നീട് എയര്‍പോര്‍ട്ട് ഡയറക്ടര്‍, വിമാനകമ്പനി, കരിപ്പൂര്‍ പൊലിസ് എന്നിവിടങ്ങളിലും പരാതി നല്‍കി. കരിപ്പൂര്‍ പൊലിസ് സ്ഥലത്തത്തെിയെങ്കിലും കണ്ടത്തൊനായില്ല.
അടുത്ത ദിവസങ്ങളിലായി സി.സി.ടി.വി പരിശോധിക്കാനാണ് പൊലിസ് തീരുമാനം.