വാരാമ്പറ്റ: സആദാ അറബിക് കോളജില്‍ ഈ മാസം 24, 25 തിയതികളില്‍ നടക്കുന്ന സആദാ ഫെസ്റ്റിനും ദുആ മജ്‌ലിസിനും അന്തിമ രൂപമായി. 24ന് രാവിലെ ഒന്‍പതിന് എ.സി മമ്മുട്ടി ഹാജി പതാക ഉയര്‍ത്തും. ഉദ്ഘാടന സെഷന്‍ ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത് ഉദ്ഘാടനം ചെയ്യും. കോളജ് കമ്മിറ്റി ചെയര്‍മാന്‍ പി.ആ ആലി ഹാജി അധ്യക്ഷനാകും. പ്രിന്‍സിപ്പല്‍ അലി ഹൈതമി സ്വാഗതം പറയും. തുടര്‍ന്ന് വിദ്യാര്‍ഥികളുടെ കലാപരിപാടികള്‍ നടക്കും. 25ന് വൈകിട്ട് ഏഴിന് സമാപന സമ്മേളനം എസ്.വൈ.എസ് ജില്ലാ പ്രസിഡന്റ് ഇബ്‌റാഹീം ഫൈസി പേരാല്‍ ഉദ്ഘാടനം ചെയ്യും. സആദാ സമിതി ചെയര്‍മാന്‍ മുഹ്‌യുദ്ദീന്‍ കുട്ടി യമാനി അധ്യക്ഷനാകും. സമിതി കണ്‍വീനര്‍ എ മോയി മാക്കണ്ടി സ്വാഗതം പറയും. വിജയികള്‍ക്ക് സമ്മാന ദാനം നിര്‍വഹിക്കും. മാനേജര്‍ എ.കെ സുലൈമാന്‍ മൗലവി ടി.കെ അബൂബക്കര്‍ മുസ്‌ലിയാര്‍ നിര്‍വഹിക്കും. തുടര്‍ന്ന് ആത്മീയ സദസ് എസ്.കെ.എസ്.എസ്.എഫ് ജില്ലാ പ്രസിഡന്റ് ഷൗകത്തലി മൗലവി വെള്ളമുണ്ട പ്രഭാഷണം നടത്തും. ദിക്‌റ് ദുആ മജ്‌ലിസിന് ശിഹാബുദ്ദീന്‍ ഇമ്പിച്ചിക്കോയ തങ്ങള്‍ നേതൃത്വം നല്‍കും. ആലോചനാ യോഗം പി.എ ആലി ഹാജി ഉദ്ഘാടനം ചെയ്തു. മുഹ് യുദ്ദീന്‍ കുട്ടി യമാനി അധ്യക്ഷനായി. എ.കെ മമ്മുട്ടി, എ മോയി മാക്കണ്ടി സംസാരിച്ചു.