വടകര: അക്ഷരങ്ങളുടെയും അറിവിന്റെയും ലോകം തങ്ങള്‍ക്കുമുന്നില്‍ തുറന്നുതന്ന വിദ്യാലയാങ്കണത്തില്‍ അവര്‍ വീണ്ടും ഒന്നിച്ചു. പഴയകാല വിശേഷങ്ങള്‍ പങ്കുവച്ചു ബാല്യകാല സ്മരണകളിലേക്കു മടങ്ങി. അഴിയൂര്‍ ഗവ. ഹയര്‍സെക്കന്‍ഡറി സ്‌കൂളില്‍ 1957 മുതല്‍ പഠിച്ചവരുടെ കുടുംബസമേതമുള്ള ഒത്തുചേരലാണ് ഓര്‍മകളുടെ സംഗമവേദിയായത്.
സ്‌കൂള്‍ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന്റെ ഭാഗമായാണു ചടങ്ങ് സംഘടിപ്പിച്ചത്. ഭിന്നശേഷിയുള്ള വിദ്യാര്‍ഥികള്‍ക്കായി ക്ലാസ്മുറി ഒരുക്കാന്‍ പൂര്‍വവിദ്യാര്‍ഥി സംഘടനാ സെക്രട്ടറി എ. വിജയരാഘവന്‍ ഒരുലക്ഷം രൂപ പ്രഖ്യാപിച്ചു. 'ഓര്‍മച്ചെപ്പ് ' പരിപാടി ചലച്ചിത്രതാരം മാമുക്കോയ ഉദ്ഘാടനം ചെയ്തു. സി.കെ നാണു എം.എല്‍.എ അധ്യക്ഷനായി.
വടകര ബ്ലോക്ക് പഞ്ചായത്ത് പ്രസിഡന്റ് കോട്ടയില്‍ രാധാകൃഷ്ണന്‍, പഞ്ചായത്ത് പ്രസിഡന്റ് റീന രയരോത്ത്, എ.ടി ശ്രീധരന്‍, ജാസ്മിന കല്ലേരി, നിഷ പറമ്പത്ത്, സാഹിര്‍ പുനത്തില്‍, കെ. പ്രേമലത, കെ. വിജയലക്ഷ്മി, അഡ്വ. എം.കെ പ്രേംനാഥ്, കാസിം നെല്ലോളി, എ. വിജയരാഘവന്‍, പ്രൊഫ. ഇസ്മാഈല്‍ എരിക്കില്‍, തോട്ടത്തില്‍ ബാലകൃഷ്ണന്‍, വി.പി സുരേന്ദ്രന്‍, പി.എം അശോകന്‍, ഹാരിസ് മുക്കാല്, പി. ശ്രീധരന്‍, ആയിഷ ഉമ്മര്‍, കെ.പി വിജയന്‍, കെ.പി രവീന്ദ്രന്‍, മുബാസ് കല്ലേരി സംസാരിച്ചു.