കരുളായി: ആറുപതിറ്റാ@ുക്കാലത്തെ പ്രവര്‍ത്തന പാരമ്പര്യവുമായി കരുളായി ദേശസേവാ സമാജം വായനശാല 60ാം വാര്‍ഷികം വിപുലമായ പരിപാടികളോടെ ആഘോഷിക്കുന്നു. പുസ്തക പ്രദര്‍ശനം, ആരോഗ്യ ക്ലാസുകള്‍, ഗ്രോബാഗ് വിതരണം, ഊര്‍ജ സംരക്ഷണ ക്ലാസ്, കൃഷി വിജ്ഞാന ക്ലാസ്, എന്നിവ സംഘടിപ്പിച്ചു.
ഒരുമാസത്തോളമായി നടന്നു വരുന്ന ആഘോഷ പരിപാടികളുടെ സമാപനം ഇന്ന് വൈകീട്ട് നാലിന് പി.വി അന്‍വര്‍ എം.എല്‍.എ ഉദ്ഘാടനം ചെയ്യും. പുസ്തക പ്രകാശനം, പഴയക്കാല വായനശാല പ്രവര്‍ത്തകരെ ആദരിക്കല്‍, ഗാനമേള എന്നിവയും നടക്കും.
പതിനായിരത്തോളം പുസ്തകങ്ങളുടെ ശേഖരമുള്ള ഈ ഗ്രന്ഥാലയം ലൈബ്രറി കൗണ്‍സിലിലെ എ ഗ്രേഡ് വായനശാലയാണ്.
അത്യാധുനിക സൗകര്യങ്ങള്‍ എല്ലാമുള്ള വായനശാല നിലമ്പൂര്‍ താലൂക്കിലെ തന്നെ പഴയകാല വായനശാലകളില്‍ ഒന്നാണ്.