മൂന്നാര്‍: ഗ്യാസ് സിലണ്ടറില്‍ നിന്നും തീപടര്‍ന്ന് ഹോട്ടല്‍ കത്തിനശിച്ചു. മൂന്നാര്‍ നടയാര്‍ റോഡില്‍ പ്രവര്‍ത്തിക്കുന്ന അന്നൈ റസ്റ്റോറന്റിലാണ്  ഇന്നലെ ഉച്ചയോടെ ഗ്യാസ് സിലണ്ടറില്‍ നിന്നും തീപടര്‍ന്ന്. ഭക്ഷണം പാകം ചെയ്യുന്നതിനിടെ സിലണ്ടര്‍ ചോര്‍ന്നതാണ് തീപടരാന്‍ കാരണം. തീയണയ്ക്കുന്നതിടെ ഹോട്ടല്‍ ജീവനക്കാരന്‍ പ്രഭു (35)വിന് പരുക്കേറ്റു.  മൂന്നാര്‍ അഗ്നിശമനസേനയെത്തിയാണ് തീയണച്ചത്. കട പൂര്‍ണ്ണയമായും കത്തിനശിച്ചു. ഒരു ലക്ഷം രൂപയുടെ നാശനഷ്ടമുണ്ടായതായാണ് വിലയിരുത്തല്‍.