മണ്ണാര്‍ക്കാട്: ദേശീയപാത 966 ല്‍ വിയ്യക്കുര്‍ശ്ശിയില്‍ അപകട പരമ്പര. ഒരാള്‍ക്ക് പരുക്കേറ്റു. ബുധനാഴ്ച പുലര്‍ച്ചെ ആറരയോടെയാണ് അപകടങ്ങളുണ്ടായത്. വിയ്യക്കുര്‍ശ്ശി കനാല്‍ വളവില്‍ തേങ്ങ കയറ്റി തമിഴ്‌നാട്ടിലേക്ക് പോവുകയായിരുന്ന ലോറി നിയന്ത്രണം വിട്ട് തലകീഴായി മറിഞ്ഞ് ഡ്രൈവര്‍ കോയമ്പത്തൂര്‍ ചാവടി പാളയം കതിര്‍വേല്‍ (39) ന് സാരമായി പരിക്കേറ്റു. തലകീഴായി മറിഞ്ഞ ലോറിയില്‍ നിന്നും വളരെ പാടുപെട്ടാണ് ഡ്രൈവറെ പുറത്തെടുത്തത്.
ഈ അപകടത്തിന് ശേഷം 15 മിനിട്ടിനകം 300 മീറ്റര്‍ അകലെയുളള വളവില്‍ രണ്ടു ലോറികള്‍ കൂട്ടിയിടിച്ചും അപകടമുണ്ടായി. അപകടത്തില്‍ ആര്‍ക്കും പരുക്കില്ല. അപകടങ്ങളെ തുടര്‍ന്ന് ദേശീയ പാത മണ്ണാര്‍ക്കാട് - പാലക്കാട് റോഡില്‍ അരമണിക്കൂറോളം ഗതാഗതം തടസ്സപ്പെട്ടു. മണ്ണാര്‍ക്കാട് ട്രാഫിക് പൊലിസ് കേസെടുത്തു