കയ്പമംഗലം: എടത്തിരുത്തി ഗ്രാമപഞ്ചായത്ത് പ്രസിഡന്റ് ബൈനാ പ്രദീപിനു നേരെ കഞ്ചാവ് ഇടപാടുകാരന്റെ ഭീഷണി. പരാതി അന്വേഷിക്കാനെത്തിയ പൊലിസിനു നേരെയും പരാക്രമം.
സംഭവവുമായി ബന്ധപ്പെട്ട് പരിസരവാസിയും നിരവധി ക്രിമിനല്‍ കേസുകളിലെ പ്രതിയുമായ ചൂണ്ടയില്‍ ജിനീഷ് (പ്രാണന്‍) എന്നയാളെ മതിലകം പൊലിസ് കസ്റ്റഡിയിലെടുത്തു.
കഴിഞ്ഞ ദിവസം വൈകീട്ട് അഞ്ച് മണിയോടെ എടത്തിരുത്തി പുളിഞ്ചോട് സെന്ററിനടുത്തുള്ള പഞ്ചായത്തു പ്രസിഡന്റിന്റെ വീട്ടിലാണ് സംഭവം. പഞ്ചായത്തു പ്രസിഡന്റിന്റെ വീട്ടിലെത്തിയ ഇയാള്‍ കുട്ടികളുടെ മുന്നില്‍ വെച്ച് അസഭ്യം പറയുകയും, ഭീഷണിപ്പെടുത്തുകയുമായിരുന്നു.