കാലിക്കടവ്: ന്യൂനപക്ഷ സ്‌കോളര്‍ഷിപ്പുകള്‍ക്ക് അപേക്ഷ സമര്‍പ്പിക്കാന്‍ വിദ്യാര്‍ഥികള്‍ക്ക് ആശ്വാസമായി ചന്തേരയില്‍ ഹെല്‍പ് ഡെസ്‌ക്. ചന്തേര മുസ് ലിം ജമാത്ത് കമ്മിറ്റി, സി.എം.എസ്.എസ് ചന്തേര എന്നിവയുടെ നേതൃത്വത്തിലാണ് പ്രീമെട്രിക്,പോസ്റ്റ് മെട്രിക് അപേക്ഷകള്‍ സമര്‍പ്പിക്കാന്‍ സംവിധാനം ഒരുക്കിയത്.
ഓണ്‍ലൈനായി അപേക്ഷ സമര്‍പ്പിക്കുന്നതിനുള്ള സങ്കീര്‍ണ്ണതകള്‍ കാരണം കുട്ടികളും രക്ഷിതാക്കളും അധ്യാപകരും വലയുന്ന സാഹചര്യത്തിലാണു ചന്തേരയില്‍ ഇത്തരത്തിലൊരു സംവിധാനം ഒരുക്കിയത്. ഒന്നു മുതല്‍ പത്തുവരെ ക്ലാസുകളില്‍ പഠിക്കുന്ന നൂറോളം കുട്ടികള്‍ ഇന്നലെ മാത്രം ഹെല്‍പ്പ് ഡെസ്‌ക് വഴി അപേക്ഷ സമര്‍പ്പിച്ചു. എസ്.വൈ.എസ് ജില്ലാ പ്രസിഡന്റ് ടി.കെ പൂക്കോയ തങ്ങള്‍ ഉദ്ഘാടനം ചെയ്തു. ടി.വി.പി അബ്ദുള്‍ ഖാദര്‍, ടി.കെ അബ്ദുള്‍ സത്താര്‍ സംസാരിച്ചു. നൗഷാദ് ചന്തേര, ഒ.ടി സുബൈര്‍ മൗലവി, എം അഹമ്മദ്, റാഷിദ് മാസ്റ്റര്‍, എം അസ് ലം, സുഫൈല്‍ കാസിം നേതൃത്വം നല്‍കി. അപേക്ഷ സമര്‍പ്പിക്കാനുള്ള അവസാന ദിനം വരെ സേവനം ലഭ്യമാകും.