എടക്കര: പാലേമാട് വിവേകാനന്ദ വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍  വിദ്യാര്‍ഥികള്‍ ഓണാഘോഷം സംഘടിപ്പിച്ചത് ഉപ്പട കരുണാലയം വയോജനസദനത്തിലെ അന്തേവാസികള്‍ക്കൊപ്പം. ഓണപൂക്കളവും, ഓണസദ്യയും ഒരുക്കിയായിരുന്നു എന്‍.എസ്.എസ് യൂനിറ്റിന്റെ നേതൃത്വത്തില്‍ നടന്ന പരിപാടി.
പി.ടി.എ പ്രസിഡന്റ് അഷ്‌റഫ് സ്രാമ്പിക്കല്‍ ഉദ്ഘാടനം ചെയ്തു. സ്റ്റാഫ് സെക്രട്ടറി തമ്പു ജോര്‍ജ്, പ്രിന്‍സിപ്പല്‍ മിനി, ഫാ.ജോണ്‍ മാത്യു, കമലാവതി, ഷൈനി സ്റ്റെല്ല, റാഷിദ്, നീതു,വിദ്യ എന്നിവര്‍ നേതൃത്വം നല്‍കി.
അന്തേവാസികള്‍ക്ക് ഓണക്കോടി നല്‍കുകയും അവരുടെ ഒപ്പം വിവിധ കലാപരിപാടികള്‍ അവതരിപ്പിച്ചുമാണ് വിദ്യാര്‍ഥികള്‍ മടങ്ങിയത്.