ദുബൈ: പെരുന്നാൾ അവധി ദിനങ്ങളിൽ ദുബൈയിലും ഷാർജയിലും സൗജന്യ പാർക്കിങ് പ്രഖ്യാപിച്ചു. മൾട്ടി ലെവൻ പാർക്കിങ് ഏരിയകൾ ഒഴികെയുള്ള മേഖലകളിലാണ് പാർക്കിങ് സൗജന്യം. ഷാർജയിൽ പെരുന്നാളിൻ്റെ ആദ്യ മൂന്നു ദിവസങ്ങളിലാണ് സൗജന്യ പാർക്കിങ്ങിന് അനുമതി. എന്നാൽ, നീല സൂചന ബോർഡുകൾ സ്ഥാപിച്ചിട്ടുള്ള പാർക്കിങ് മേഖലകളിൽ പണമീടാക്കും.

നിയമലംഘകരെ കണ്ടെത്താൻ അവധി ദിനങ്ങളിലും പാർക്കിങ് പരിശോധകരെ നിയമിച്ചിട്ടുണ്ടെന്ന് ഷാർജ മുനിസിപ്പാലിറ്റി ഡയറക്ടർ ജനറൽ ഉബൈദ് സഈദ് അൽ തുനൈജി പറഞ്ഞു.

ദുബൈയിൽ റമദാൻ 29 തിങ്കളാഴ്ച മുതൽ ശവ്വാൽ  മൂന്നുവരെയാണ് പാർക്കിങ് സൗജന്യമെന്ന്  റോഡ് ഗതാഗത അതോറിറ്റി (ആർ.ടി.എ) അറിയിച്ചു. നിലവിൽ ഞായറാഴ്ച സൗജന്യ പാർക്കിങ് അനുവദിക്കുന്നതിനാൽ നാല് ദിവസം ആനുകൂല്യം ലഭിക്കും.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക: 

https://chat.whatsapp.com/HqAwtpXYVB32su7AgkO5Dy