വടകര: ചോറോട് റെയില്‍വേ ഗേറ്റിനു സമീപം റെയില്‍പാളത്തില്‍ സ്‌കൂട്ടര്‍ നിര്‍ത്തിയിട്ട് ട്രെയിന്‍ അട്ടിമറിക്കാന്‍ ശ്രമം. ഇന്നലെ അര്‍ധരാത്രിയാണ് സംഭവം.

ഈ സമയം കടന്നുപോയ തിരുവനന്തപുരം- കണ്ണൂര്‍ ജനശതാബ്ദി എക്‌സ്പ്രസ് സ്‌കൂട്ടര്‍ തട്ടിത്തെറിപ്പിച്ചതിനാല്‍ വന്‍ അപകടം ഒഴിവായി.



പാളങ്ങളില്‍ അറ്റകുറ്റപ്പണി നടക്കുന്നതിനാല്‍ ട്രെയിനുകള്‍ വൈകിയാണ് ഓടുന്നത്. സ്‌കൂട്ടര്‍ തട്ടിത്തെറിപ്പിച്ച ട്രെയിന്‍ പിന്നീട് പത്തുമിനിട്ടു കഴിഞ്ഞതിനു ശേഷമാണ് പുറപ്പെട്ടത്.


വടകര പൊലിസ് കേസെടുത്തിട്ടുണ്ട്. ചോറോടുനിന്ന് മോഷണംപോയ സ്‌കൂട്ടറാണ് റെയില്‍പാളത്തില്‍ വച്ചതെന്ന് സംശയിക്കുന്നു.