റിയാദ്:സഊദിയില്‍ വിവിധ കേസുകളില്‍ കഴിഞ്ഞ ദിവസം മൂന്നുപേരെ വധശിക്ഷയ്ക്കു വിധേയരാക്കി. തലസ്ഥാന നഗരിയായ റിയാദ്, കിഴക്കന്‍ പ്രവിശ്യയിലെ ദമാം എന്നിവിടങ്ങളിലാണ് ശിക്ഷ നടപ്പാക്കിയത്. മയക്കു മരുന്ന് കേസില്‍ ദമാമില്‍ രണ്ടു വിദേശികളെയും, ഭാര്യയെ കുത്തി കൊലപ്പെടുത്തിയ കേസില്‍ റിയാദില്‍ സ്വദേശി പൗരനെയുമാണ് വധശിക്ഷക്ക് വിധേയമാക്കിയത്. ശരീരത്തില്‍ ഒളിപ്പിച്ചു ഹെറോയിന്‍ കടത്തിയ കേസിലാണ് പാകിസ്താന്‍ പൗരന്മാരെ വധശിക്ഷക്ക് വിധേയരാക്കിയത്.
കിടപ്പു മുറിയില്‍ ഭാര്യ ഖന്‍അ ബിന്‍ മുഹമ്മദ് ബിന്‍ അബ്ദുല്ല അല്‍ സഹ്‌ലിയെ കുത്തി കൊലപ്പെടുത്തിയ കേസിലാണ് ഭര്‍ത്താവ് ഹസന്‍ ബിന്‍ ജിബ്‌റാന്‍ ബിന്‍ ഇബ്‌റാഹീം ഫാലൂഖിന്റെ വധശിക്ഷ നടപ്പാക്കിയത്.