പാലക്കാട്: കേരള പൊലിസ് ക്യാംപ് ഫോളോവേഴ്‌സ് അസോസിയേഷന്‍ സംസ്ഥാന സമ്മേളനം 23,24 തിയതികളില്‍ മുനിസിപ്പല്‍ ടൗണ്‍ഹാളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
23ന് രാവിലെ പത്തിന് സംസ്ഥാന എക്‌സിക്യൂട്ടീവും സംസ്ഥാന കൗണ്‍സിലും നടക്കും. 24ന് രാവിലെ പത്തിന് പ്രതിനിധിസമ്മേളനം ഡെപ്യൂട്ടി സ്പീക്കര്‍ വി. ശശി ഉദ്ഘാടനം ചെയ്യും. മുഹമ്മദ് മുഹ്‌സിന്‍ എം.എല്‍ എ മുഖ്യപ്രഭാഷണം നടത്തും. ഉച്ചക്ക് രണ്ടിന് നടക്കുന്ന പൊതുസമ്മേളനം റവന്യൂ മന്ത്രി ഇ. ചന്ദ്രശേഖരന്‍ ഉദ്ഘാടനം ചെയ്യും.
കെ.രാജന്‍ എം.എല്‍.എ മുഖ്യപ്രഭാഷണം നടത്തും. വാര്‍ത്താ സമ്മേളനത്തില്‍ പ്രസിഡന്റ് അഷ്‌റഫ്, ജനറല്‍ സെക്രട്ടറി എം.കെ രാധാകൃഷ്ണന്‍, ജില്ലാ സെക്രട്ടറി എം.സി ഗംഗാധരന്‍, കെ. മുകുന്ദന്‍ പങ്കെടുത്തു.