പരപ്പനങ്ങാടി: സെപ്തംബര്‍ 21 സി.ഡബ്ല്യു.എസ്.എ സ്ഥാപകദിനത്തോടനുബന്ധിച്ച് പരപ്പനങ്ങാടി മേഖലാ കമ്മറ്റിയുടെ ആഭിമുഖ്യത്തില്‍ പരപ്പനങ്ങാടി പൊലിസ് സ്റ്റേഷന്‍ പരിസരം വൃത്തിയാക്കി. വാഹനങ്ങള്‍ക്കും കാല്‍നടയാത്രക്കാര്‍ക്കും മാര്‍ഗതടസ്സം സൃഷ്ടിച്ച് റോഡരികില്‍ നിര്‍ത്തിയിട്ടിരുന്ന തൊണ്ടിവാഹനങ്ങളും നീക്കം ചെയ്തു. പരപ്പനങ്ങാടി പൊലിസ് സബ് ഇന്‍സ്‌പെക്ടര്‍ കെ.ജെ ജിനേഷ് ഉദ്ഘാടനം ചെയ്തു. മേഖലാ ഭാരവാഹികളായ സി.കെ പ്രഭു, ടി.കെ പരമേശ്വന്‍, ടി അനില്‍, ടി.കെ മുരളീധരന്‍, കെ.പി പ്രദീപ് എന്നിവര്‍ നേതൃത്വം നല്‍കി.