പാണ്ടിക്കാട്: കക്കുളം ഹൈസ്‌കൂള്‍ പടിയില്‍ ഇന്നലെ രാവിലെ 11.30 ഓടെ നിയന്ത്രണം വിട്ട കാര്‍ ഇടിച്ച് നിസ്‌കാരപ്പള്ളി തകര്‍ന്നു.  റോഡില്‍ നിന്ന് 10 മീറ്ററോളം മാറി സ്ഥിതി ചെയ്യുന്ന നിസ്‌കാര പള്ളിയുടെ ചുമരിലാണ് കാറിടിച്ചത്. അപകടത്തില്‍ കര്‍ക്കിടകാംകുന്ന് ആലുങ്ങലിലെ മുരിങ്ങാക്കോടന്‍ അഫ്‌സല്‍, ഉനൈസ് എന്നിവര്‍ക്ക് സാരമായ പരുക്കേറ്റു. ഇടിയുടെ ആഘാതത്തില്‍ പള്ളി ഭിത്തിയുടെ ഒരുഭാഗം പാടെ തകര്‍ന്നു. ഏതാനും മാസങ്ങള്‍ക്കു മുന്‍പാണ് പള്ളി പുതുക്കി പണിതത്. കരിപ്പൂര്‍ എയര്‍പോര്‍ട്ടില്‍ പോയി തിരികെ വരികയായിരുന്ന കാറാണ് അപകടത്തില്‍പെട്ടത്. പരുക്കേറ്റവരെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.