അത്തോളി: ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ സ്‌കൗട്ട്‌സ് ആന്‍ഡ് ഗൈഡ്‌സ് കാഡറ്റുകളുടെ ആഭിമുഖ്യത്തില്‍ അതിര്‍ത്തിയില്‍ കൊല്ലപ്പെട്ട സൈനികര്‍ക്കു ദീപാഞ്ജലി നടത്തി. സ്‌കൂള്‍ ഗേറ്റില്‍ നടന്ന ചടങ്ങില്‍ നൂറിലേറെ കാഡറ്റുകള്‍ ദീപം തെളിയിച്ചു. ഗ്രാമപഞ്ചായത്ത് പ്രസിഡന്റ് ചിറ്റൂര്‍ രവീന്ദ്രന്‍ ഉദ്ഘാടനം ചെയ്തു. ഡെപ്യൂട്ടി എച്ച്.എം കെ.ടി സുരേന്ദ്രന്‍ അധ്യക്ഷനായി. റിട്ട. ക്യാപ്റ്റന്‍ സി. മാധവന്‍ നായര്‍, ടി.കെ വിജയന്‍, ഇ. സുനില്‍കുമാര്‍, കെ. മഞ്ജുള പ്രസംഗിച്ചു.