കല്‍പ്പറ്റ: ദേശീയ ദുരന്ത നിവാരണ അതോറിറ്റിയുടെ കീഴിലുള്ള ദേശീയ ദുരന്ത പ്രതികരണ സേനയുടെ മോക്ക് ഡ്രില്ലും പരിശീലന ക്ലാസും ജില്ലയിലെ 13 കേന്ദ്രങ്ങളില്‍ നടത്തും.
ഈമാസം 26ന് ഗവ. കോളജ് കല്‍പ്പറ്റ രാവിലെ 10.30, ഡബ്ല്യു.എം.ഒ കോളജ് മുട്ടില്‍ 2.30, 27ന് ഗവ.ഹൈസ്‌കൂള്‍ മേപ്പാടി 10.30,  ഗവ.ഹൈസ്‌കൂള്‍ പിണങ്ങോട് 2.30, സെപ്റ്റംബര്‍ 28ന് സെന്റ് മേരിസ് കോളജ് സുല്‍ത്താന്‍ ബത്തേരി 10.30, വൈ.എം.സി.എ പുല്‍പ്പള്ളി സു.ബത്തേരി 2.30, സെപ്റ്റംബര്‍ 29ന് ജി.വി.എച്ച്.എസ് മീനങ്ങാടി 10.30, ജി.വി.എച്ച്.എസ് അമ്പലവയല്‍ 2.30, സെപ്തംബര്‍ 30ന്  ജി.എച്ച്.എസ് പനമരം 10.30, ജി,എച്ച്.എസ് മാനന്തവാടി 2.30,
ഒക്‌ടോബര്‍ ഒന്നിന് ഗവ.എന്‍ജിനീയറിങ് കോളജ് തലപ്പുഴ 10.30, മേരി മാതാ ആര്‍ട്‌സ് ആന്‍ഡ് സയന്‍സ് കോളജ് മാനന്തവാടി 2.30,
ഒക്‌ടോബര്‍ മൂന്നിന് എസ്.കെ.എം.ജെ. കലക്ടറേറ്റ് കല്‍പ്പറ്റ 10.30 എന്നിവിടങ്ങളിലാണ് പരിപാടി.
പ്രകൃതി ദുരന്തമുണ്ടാകുമ്പോള്‍ സമയോചിത രക്ഷാ പ്രവര്‍ത്തനം നടത്തുന്നതിന് പ്രത്യേക പരിശീലനം ലഭിച്ച സേനയാണ് എന്‍.ഡി.ആര്‍.എഫ്. 2005 ലെ നാഷനല്‍ ഡിസാസ്റ്റര്‍ മാനേജ്‌മെന്റ് ആക്ട് അനുസരിച്ചാണ് സേനയുടെ രൂപീകരണം. രാജ്യത്തിന്റെ വിവിധ ഭാഗങ്ങളിലുണ്ടായ ദുരന്തങ്ങളില്‍ സ്തുത്യര്‍ഹ സേവനം കാഴ്ചവെക്കാന്‍ സേനക്ക് സാധിച്ചിട്ടുണ്ട്.