കാസര്‍കോട്: റോഡരികില്‍ നിര്‍ത്തിയിട്ട ബൈക്കിന്റെ നമ്പര്‍ കുറിച്ചെടുക്കുന്നതിനിടെ പൊലിസുകാരനെ ആക്രമിച്ച  കേസില്‍ രണ്ടുപേര്‍ അറസ്റ്റില്‍. പാറക്കട്ട സ്വദേശികളായ ഇസ്ഹാഖ് (19), റമീസ്(19) എന്നിവരാണ് അറസ്റ്റിലായത്.
കഴിഞ്ഞ ദിവസം  രാത്രി പഴയ ചൂരിയില്‍ വച്ചാണ് സംഭവം. എ.ആര്‍ ക്യാംപിലെ സിവില്‍ പൊലിസ്  ഓഫിസര്‍  സന്തോഷി(35)നെ മര്‍ദിച്ച  കേസിലാണ് അറസ്റ്റ്.
പാതക്കരികില്‍  നിര്‍ത്തിയിട്ട ബൈക്കിന്റെ നമ്പര്‍ കുറിച്ചെടുക്കുന്നതിനിടെ ഒരു സംഘം സന്തോഷിനെ  അക്രമിക്കുകയായിരുന്നു.
സംഭവവുമായി ബന്ധപ്പെട്ട് പത്തുപേര്‍ക്കെതിരെ ടൗണ്‍ പൊലിസ് കേസെടുത്തിരുന്നു.