കോട്ടയം: ലോകവയോജനദിനത്തോടനുബന്ധിച്ചുളള ജില്ലാതല ആഘോഷ പരിപാടികള്‍  ഒക്‌ടോബര്‍ ഒന്നിന് കോട്ടയം മാമന്‍ മാപ്പിളഹാളില്‍ നടക്കും.
വയോജനങ്ങളുടേയും അവരുടെ കൊച്ചുമക്കളുടേയും കലാപരിപാടികള്‍, ക്ലാസുകള്‍, വയോജന സംരക്ഷണ വിഷയത്തില്‍ വിദ്യാര്‍ത്ഥികളെ പങ്കെടുപ്പിച്ച് മത്സരങ്ങള്‍ എന്നിവ സംഘടിപ്പിക്കും.
ആഘോഷത്തില്‍ പങ്കെടുക്കുന്ന വയോജനങ്ങള്‍ക്ക് ഓണസദ്യയ്ക്കു സമാനമായ സദ്യ ഒരുക്കും.
പങ്കെടുക്കുന്നവരില്‍ ഏറ്റവും മുതിര്‍ന്നവരെ ചടങ്ങില്‍ ആദരിക്കും.
പരിപാടികളുടെ നടത്തിപ്പിന് ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് അധ്യക്ഷനായി സംഘാടക സമിതി രൂപീകരിച്ചു.
ജില്ലാ പഞ്ചായത്തില്‍ ചേര്‍ന്ന യോഗത്തില്‍ നഗരസഭ ചെയര്‍പേഴ്‌സണ്‍ ഡോ. പി.ആര്‍ സോന, ഡെപ്യൂട്ടി കലക്ടര്‍ വി.ഡി ജോണ്‍, വയോമിത്രം കോ-ഓര്‍ഡിനേറ്റര്‍ ജോജി ജോസഫ് തുടങ്ങിയവര്‍ സംബന്ധിച്ചു.