മുംബൈ: നഗരത്തില്‍ അജ്ഞാതരായ തോക്കുധാരികളെ കണ്ടെന്ന വിവരത്തെ തുടര്‍ന്ന് മുംബൈയില്‍ ദേശീയ സുരക്ഷാ വിഭാഗത്തെ വിന്യസിച്ചു. മുംബൈ നഗരത്തില്‍ നിന്ന് 47 കിലോമീറ്റര്‍ അകലെയുള്ള ഉറാനിലാണ് തോക്കുധാരികളെ കണ്ടതായി റിപ്പോര്‍ട്ട് വന്നത്. അതേ സമയം നാവികാസ്ഥാനത്തിന് സമീപം കണ്ടതായി സംശയിക്കുന്ന  ആയുധധാരികളുടെ രേഖാചിത്രം പൊലിസ് പുറത്തിറക്കി.

മുംബൈയിലെ മൂന്ന് പ്രധാന കേന്ദ്രങ്ങളിലാണ് എന്‍.എസ്.ജിയെ വിന്യസിച്ചിരിക്കുന്നത്. മുംബൈ പൊലിസും നാവിക സേനയും സംയുക്തമായി തെരച്ചില്‍ നടത്തുന്നുണ്ട്

വ്യാഴാഴ്ച്ച രാവിലെയോടെയാണ് കറുത്ത വസ്ത്രം ധരിച്ച് മുഖം മറച്ച ആയുധ ധാരികളെ കണ്ടതായി രണ്ട് വിദ്യാര്‍ഥികള്‍ പറഞ്ഞത്. സംഭവത്തിന്റെ പശ്ചാത്തലത്തില്‍ മുംബൈയില്‍ അതീവ ജാഗ്രതാ നിര്‍ദ്ദേശം നല്‍കിയിട്ടുണ്ട്.