കൂത്തുപറമ്പ്: ബൈക്ക് യാത്രികന്റെ 3,70,000 രൂപ തട്ടിപ്പറിച്ച കേസില്‍ ഒരാളെ അറസ്റ്റുചെയ്തു. മൂര്യാട്ടെ കെ.പി ഷംസീറിനെ(32)യാണ് സി.ഐ പി.കെ സുരേഷ് ബാബുവും സംഘവും പിടികൂടിയത്. കഴിഞ്ഞ മാസം 28നാണ് പന്ന്യന്നൂരിലെ എന്‍.ടി ഖലീല്‍ ഖാഫിയുടെ പണം ബൈക്കിലെത്തിയ സംഘം തട്ടിപ്പറിച്ചത്. കേസില്‍ രണ്ടാംപ്രതിയാണു ഷംസീര്‍. മറ്റു പ്രതികള്‍ക്കു സഹായിയായി പ്രവര്‍ത്തിച്ചുവെന്നാണു ഷംസീറിനെതിരായ കുറ്റമെന്നു പൊലിസ് പറഞ്ഞു. കൂത്തുപറമ്പ് ജുഡീഷ്യല്‍ ഒന്നാം ക്ലാസ് കോടതിയില്‍ ഹാജരാക്കിയ ഷംസീറിനെ റിമാന്‍ഡ് ചെയ്തു.