കണ്ണൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ മദ്‌റസാ അധ്യാപകര്‍ക്കു തദ്‌രീബ് ഹാന്‍ഡ് ബുക്ക് അടിസ്ഥാനമാക്കി നടത്തുന്ന ടെക്സ്റ്റ് ഓണ്‍ ടെക്സ്റ്റ് പരീക്ഷ ജില്ലയിലെ നാലു കേന്ദ്രങ്ങളില്‍ നാളെ ഉച്ചയ്ക്കു രണ്ടിനു നടക്കും. തളിപ്പറമ്പ് റെയ്ഞ്ചിലെ ഖുവ്വത്തുല്‍ ഇസ്‌ലാം മദ്‌റസ, ഇരിക്കൂര്‍ റെയ്ഞ്ചിലെ റഹ്മാനിയ്യ മദ്‌റസ, കണ്ണൂര്‍ റെയ്ഞ്ചിലെ വാരം മനാറുല്‍ ഹുദാ മദ്‌റസ, മുണ്ടേരി റെയ്ഞ്ചിലെ ബാദിഉല്‍ ഉലൂം മദ്‌റസ എന്നിവയാണു സെന്ററുകള്‍. മാടായി, തളിപ്പറമ്പ്, മാട്ടൂല്‍, തളിപ്പറമ്പ് ഈസ്റ്റ്, ചപ്പാരപ്പടവ്, പരിയാരം റെയ്ഞ്ചിലെ പരീക്ഷാര്‍ഥികള്‍ തളിപ്പറമ്പ് ഖുവ്വത്തിലും വളപട്ടണം, കണ്ണൂര്‍, കക്കാട്, കണ്ണൂര്‍ സിറ്റി എന്നിവിടങ്ങളിലുള്ളവര്‍ വാരത്തും ഇരിക്കൂര്‍, കൈതേരി, കാക്കയങ്ങാട്, ശ്രീകണ്ഠപുരം എന്നിവിടങ്ങളിലുള്ളവര്‍ ഇരിക്കൂറും അഞ്ചരക്കണ്ടി മുണ്ടേരി, മയ്യില്‍ എന്നിവിടങ്ങളിലുള്ളവര്‍ മുണ്ടേരിയിലുമാണ് എത്തേണ്ടത്.
പരീക്ഷാര്‍ഥികള്‍ ഹാള്‍ടിക്കറ്റ് സഹിതം രണ്ടിനകം അതതു കേന്ദ്രങ്ങളില്‍ എത്തണമെന്ന് ജംഇയ്യത്തുല്‍ മുഅല്ലിമീന്‍ ജില്ലാ ജനറല്‍സെക്രട്ടറി അബ്ദുസമദ് മുട്ടം അറിയിച്ചു.