നെയ്യാറ്റിന്‍കര: നെയ്യാര്‍ മേള 2016നോടനുബന്ധിച്ച് നെയ്യാറ്റിന്‍കര മുനിസിപ്പല്‍ സ്റ്റേഡിയത്തില്‍ കൂണ്‍കൃഷി പരിശീലന ക്ലാസ് സംഘടിപ്പിച്ചു. സി.ഡി.എസ് ചെയര്‍പേഴ്‌സണ്‍ സുജാത അധ്യക്ഷയായ യോഗത്തില്‍ പൊതുമരാമത്ത് സ്റ്റാന്റിങ് കമ്മിറ്റി ചെയര്‍മാന്‍ പുന്നയ്ക്കാട് സജു ഉദ്ഘാടനം ചെയ്തു. സരള, കെ.ആര്‍ രാജന്‍, സംഘാടകസമിതി അംഗങ്ങളായ ദീപു പാവൂര്‍, എം. രാജ്‌മോഹന്‍ എന്നിവരും വിവിധ കുടുംബശ്രീ, അയല്‍ക്കൂട്ടം യൂനിറ്റുകളിലെ അംഗങ്ങളും പങ്കെടുത്തു.  ട്രയിനര്‍ വി.സിന്ധു ക്ലാസ് കൈകാര്യം ചെയ്തു.