തൊടുപുഴ:  തൊടുപുഴ മര്‍ച്ചന്റ്‌സ് അസോസിയേഷനും  മുനിസിപ്പാലിറ്റിയും ഡിടിപിസിയും സംയുക്തമായി നടത്തുന്ന ഓണോത്സവ്-2016ന്റെ സ്വാഗതസംഘം ഓഫീസ് വ്യാപാരി വ്യവസായി ഏകോപന സമിതി  ജില്ലാ പ്രസിഡന്റ് മാരിയില്‍ കൃഷ്ണന്‍നായര്‍ ഉദ്ഘാടനം ചെയ്തു.  മുനിസിപ്പല്‍ ചെയര്‍പേഴ്‌സണ്‍ സഫിയ ജബ്ബാര്‍ സംബന്ധിച്ചു. കാഞ്ഞിരമറ്റം ബൈപാസ് റോഡിലാണ് ഓഫീസ് പ്രവര്‍ത്തിക്കുന്നത്. തൊടുപുഴ ഈസ്‌റ്റേണ്‍ ഗ്രൗണ്ടില്‍ 30 മുതല്‍ ഒക്ടോബര്‍ 12വരെ യാണ് ആഘോഷ പരിപാടികള്‍.
വടംവലി മത്സരം, തിരുവനന്തപുരം ദൃശ്യകലയുടെ നാട്ടുപാട്ടറിവ്, കോമഡി ഷോ, ശശികൃഷ്ണയുടെ കാരിക്കേച്ചര്‍, മധു പുന്നപ്രയുടെ കഥാപ്രസംഗം, ആര്‍എല്‍വി തൃപ്പൂണിത്തറ അവതരിപ്പിക്കുന്ന നൃത്ത-നൃത്യങ്ങള്‍, മാജിക് ഷോ, കെപിഎസിയുടെ നാടകം, ഓള്‍ഡ് ഇസ്  ഗോള്‍ഡ്-ഗാനമേള, കരോക്കേ ഗാനമേള, വസന്തകുമാര്‍ സാംബശിവന്റെ കഥാപ്രസംഗം, പിന്നണി ഗായിക ജ്യോത്സനയുടെ ഗാനമേള, വിസ്മയസന്ധ്യ എന്നിവ ഓണോത്സവത്തോടനുബന്ധിച്ച് സംഘടിപ്പിക്കും. കൂടാതെ എല്ലാത്തരം  വ്യാപാരമേഖലകളിലെയും സ്റ്റാളുകളും ക്രമീകരിക്കും.