കോട്ടയം: ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ എംപ്ലോയ്ബിലിറ്റി സെന്ററും സി.എം.എസ് കോളജും സംയുക്തമായി സംഘടിപ്പിക്കുന്ന മെഗാ ജോബ് ഫെയര്‍ ഇന്ന്  രാവിലെ 10 ന് അഡ്വ. കെ സുരേഷ് കുറുപ്പ് എം.എല്‍.എ ഉദ്ഘാടനം ചെയ്യും.
മെഗാ ജോബ് ഫെയറില്‍ സ്വകാര്യമേഖലയിലെ വിവിധ സ്ഥാപനങ്ങളില്‍ നിന്ന് 2000 തൊഴിലവസരങ്ങളാണ് പ്രതീക്ഷിക്കുന്നത്. സി.എം.എസ് കോളേജ് ഓഡിറ്റോറിയത്തില്‍ നടക്കുന്ന ചടങ്ങില്‍ ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് അധ്യക്ഷനായിരിക്കും.
 കലക്ടര്‍ സി.എ ലത മുഖ്യപ്രഭാഷണം നടത്തും. കോട്ടയം നഗരസഭ അധ്യക്ഷ ഡോ. പി.ആര്‍ സോന, മുനിസിപ്പല്‍ വാര്‍ഡ് കൗണ്‍സിലര്‍ രാധാകൃഷ്ണന്‍ കോയിയ്ക്കല്‍ ,ജോയിന്റ് ഡയറക്ടര്‍ ഓഫ് എംപ്ലോയ്‌മെന്റ് കെ.കെ രാജപ്പന്‍ ,എറണാകുളം മേഖലാ എംപ്ലോയ്‌മെന്റ് ഡെപ്യൂട്ടി ഡയറക്ടര്‍ സി രാജു ഡേവിഡ് എന്നിവര്‍ സംസാരിക്കും.