മോഗ: പഞ്ചാബിലെ മോഗയില്‍ ഗര്‍ഭിണിയായ നഴ്‌സിനെ മര്‍ദിച്ച സംഭവത്തില്‍ അകാലിദള്‍ നേതാവ് പരംജിത്ത് സിങും മകന്‍ ഗുര്‍ജിതും അറസ്റ്റിലായി. ഇവര്‍ രണ്ടുപേരും ഒളിവിലായിരുന്നു. വ്യാഴാഴ്ചയാണ് കേസിനാസ്പദമായ സംഭവം.
ആശുപത്രിയിലെത്തിയ പരംജിത്ത് സിങും മകനും ഗര്‍ഭിണിയായ നഴ്‌സിനെ മര്‍ദിക്കുകയായിരുന്നു. ആശുപത്രിയിലെ സി.സി ടിവിയില്‍ പതിഞ്ഞ ദൃശ്യങ്ങള്‍ സോഷ്യല്‍ മീഡിയയില്‍ വൈറലായി. നഴ്‌സ് രമണ്‍ദീപിന്റെ പരാതിയില്‍ ഇരുവര്‍ക്കുമെതിരേ ഇന്ത്യന്‍ ശിക്ഷാ നിയമം 451, 323, 506, 34 എന്നീ വകുപ്പുകള്‍ പ്രകാരമാണ് പൊലിസ് കേസെടുത്തത്.