ചെറുപുഴ: കുടുംബ കലഹത്തെ തുടര്‍ന്ന് മകളെ വെട്ടിക്കൊല്ലാന്‍ ശ്രമിച്ച പിതാവ് അറസ്റ്റില്‍. ചെറുപുഴ ജോസ്ഗിരിയിലെ ജോസഫ് എന്ന ജോയ്‌സിനെയാണ് ചെറു പുഴ എസ്.ഐ കെ.വി സ്മിതേഷ് അറസ്റ്റ് ചെയ്തത്. കഴിഞ്ഞ 21ന് രാത്രി മദ്യപിച്ച് ബഹളമുണ്ടാക്കിയ ജോയ്‌സ് മകള്‍ ജോസ്‌നയെ വാക്കത്തികൊണ്ട് കഴുത്തിന് വെട്ടുകയായിരുന്നുവത്രേ. ഒഴിഞ്ഞുമാറുകയും വെട്ടു തടയുന്നതിനിടെ കൈക്ക് ഗുരുതരമായി പരുക്കേറ്റ ജോസ്‌നയെ പയ്യന്നൂര്‍ ഗവ.ആശുപത്രിയില്‍ പ്രവേശിപ്പിച്ചു. ജോസ്‌നയും അമ്മയും നല്‍കിയ പരാതിയെത്തുടര്‍ന്ന് ജോയ്‌സിനെ അറസ്റ്റ് ചെയ്യുകയുമായിരുന്നു. ഇയാളെ കോടതി റിമാന്റ് ചെയ്തു.