കുമ്പളപ്പള്ളി: ഭാരത് സ്‌കൗട്‌സ് ആന്‍ഡ് ഗൈഡ്‌സ് ജില്ലാ അസോസിയേഷന്‍ കബ് ബുള്‍ബുള്‍ ഉത്സവം കുമ്പളപ്പള്ളി എസ്.കെ.ജി.എം എ.യു.പി സ്‌കൂളില്‍ സമാപിച്ചു. വിവിധ വിദ്യാലയങ്ങളില്‍ നിന്നായി 151 കുട്ടികള്‍ പങ്കെടുത്തു. സമാപന സമ്മേളനം വാര്‍ഡ് മെമ്പര്‍ എന്‍ സിന്ധു ഉദ്ഘാടനം ചെയ്തു. സ്‌കൗട്‌സ് ആന്‍ഡ് ഗൈഡ്‌സ് ജില്ലാ ട്രഷറര്‍ കെ രത്‌നാകരന്‍ നായര്‍ അധ്യക്ഷനായി. സ്റ്റേറ്റ് ഓര്‍ഗനൈസിംഗ് കമ്മിഷണര്‍ ജി.കെ ഗിരീഷ് മുഖ്യാതിഥിയായിരുന്നു. വിജയികള്‍ക്കുള്ള സമ്മാനങ്ങളും പങ്കെടുത്തവര്‍ക്കുള്ള സര്‍ട്ടിഫിക്കറ്റുകളും ഉപഹാരങ്ങളും ജില്ലാ പ്രസിഡന്റ് സി ഉഷ വിതരണം ചെയ്തു. പി.ടി തമ്പാന്‍, വി.എന്‍ പുരുഷോത്തമന്‍ സംസാരിച്ചു.