കാസര്‍കോട്: എസ്.കെ.എസ്.എസ്.എഫ് സന്നദ്ധ സേവന വിഭാഗമായ വിഖായയുടെ ദിനാചരണത്തിന്റെ ഭാഗമായി ഒക്ടോബര്‍ രണ്ടിനു ജില്ലയിലെ 11 കേന്ദ്രങ്ങളില്‍ സഹചാരി സെന്ററുകള്‍ പ്രവര്‍ത്തനമാരംഭിക്കും. സഹചാരി റിലീഫ്, സഹായ വിതരണവും പ്രവര്‍ത്തന വികേന്ദ്രീകരണവും, അപേക്ഷ സ്വീകരിക്കല്‍, ഇന്‍ഫര്‍മേഷന്‍ സെന്റര്‍, പൊതു സമൂഹത്തിനാവശ്യമായ പദ്ധതികള്‍ പരസ്യപ്പെടുത്തല്‍, അപേക്ഷകള്‍ പൂരിപ്പിച്ചു നല്‍കല്‍, ഗൈഡ്‌ലൈന്‍ നല്‍കല്‍,സര്‍ക്കാര്‍, സര്‍ക്കാരേതര ആനുകൂല്യങ്ങള്‍ അര്‍ഹര്‍ക്ക് എത്തിക്കലും അവബോധം നല്‍കലും, പി.എസ്.സി, യു.പി.എസ്.സി വിജ്ഞാപനങ്ങള്‍ തുടങ്ങിയവ മഹല്ല് കമ്മിറ്റികള്‍ക്കും ശാഖാ എസ്.കെ.എസ്.എസ്.എഫിനും കൈമാറല്‍, പ്രവര്‍ത്തകര്‍ക്കും പ്രവര്‍ത്തനങ്ങള്‍ക്കും ആവശ്യമായ നിയമ നിര്‍ദേശങ്ങള്‍ ലഭ്യമാക്കല്‍, എസ്.കെ.എസ്.എസ്.എഫിന്റെയും ഉപസമിതികളുടെയും പ്രവര്‍ത്തനങ്ങള്‍ (ദിവസവും നടക്കുന്ന) ഡിസ്‌പ്ലേ ചെയ്യല്‍, സംഘടനയുടെ ഔദ്യോഗിക പ്രഭാഷകര്‍, പരിശീലകര്‍, വിവിധ തലങ്ങളിലെ ഭാരവാഹികള്‍ തുടങ്ങിയവരുടെ ഫോണ്‍ നമ്പര്‍ ഇ മെയില്‍ തുടങ്ങിയ ക്രോഡീകരിച്ചുവെക്കല്‍, സംഘടനാ സംബന്ധമായ പ്രവര്‍ത്തനങ്ങളുടെയും റിപ്ലേയിംഗ് ആന്റ് റിപ്ലേ കേന്ദ്രമായി പ്രവര്‍ത്തിക്കല്‍, രോഗീ പരിചരണത്തിനാവശ്യമായ സാമഗ്രികള്‍ ലഭ്യമാക്കല്‍, വാട്ടര്‍ ബെഡ്, വീല്‍ചെയര്‍, എയര്‍ബെഡ്, വാക്കര്‍, സ്ട്രക്ച്ചര്‍, ഫസ്റ്റ് എയിഡ് ബോക്‌സ് വിഖായ ഹോസ്പിറ്റല്‍ സേവനത്തിനു സഹായകമാവുന്ന രൂപത്തില്‍ പ്രവര്‍ത്തന കേന്ദ്രമാക്കല്‍, ഫസ്റ്റ് എയിഡ്, മയ്യിത്ത് പരിപാലനം (വിഖായ, അലര്‍ട്ട്) തുടങ്ങിയവക്കു പരിശീലനം നല്‍കല്‍, രക്തദാനം, ആംബുലന്‍സ് സര്‍വിസ് തുടങ്ങിയവയുടെ പ്രവര്‍ത്തനങ്ങള്‍ക്കു സഹായകരമായി പ്രവര്‍ത്തിക്കല്‍ എന്നീ സേവനങ്ങള്‍ സഹചാരി സെന്ററിലൂടെ ലഭ്യമാക്കും.
വിഖായ വളണ്ടിയര്‍മാരുടെ മേഖലാതല സേവന കേന്ദ്രമായാണു സഹചാരി സെന്റര്‍ പ്രവര്‍ത്തിക്കുക. ഉദ്ഘാടനത്തോടനുബന്ധിച്ച് ഓരോ കേന്ദ്രങ്ങളിലും ആരോഗ്യ, ജീവകാരുണ്യ പ്രവര്‍ത്തന രംഗത്തു സേവനം ചെയ്തവരെയും ഇക്കഴിഞ്ഞ ഹജ്ജ് വേളയില്‍ വിശുദ്ധ ഹറമുകളില്‍ സേവനം ചെയ്തു നാട്ടിലെത്തിയ വിഖായ വളണ്ടിയര്‍മാരേയും ചടങ്ങില്‍ ആദരിക്കും.
എസ്.കെ.എസ്.എസ്.എഫ് ജില്ലാ സെക്രട്ടറിയേറ്റ് യോഗത്തില്‍ ജില്ലാ പ്രസിഡന്റ് താജുദ്ധീന്‍ ദാരിമി പടന്ന അധ്യക്ഷനായി. ജില്ലാ ജനറല്‍ സെക്രട്ടറി ഹാരിസ് ദാരിമി ബെദിര, സംസ്ഥാന വൈസ് പ്രസിഡന്റ് ഇബ്രാഹിം ഫൈസി ജെഡിയാര്‍, ബഷീര്‍ ദാരിമി തളങ്കര, ജില്ലാ ട്രഷറര്‍ സുഹൈര്‍ അസ്ഹരി പള്ളങ്കോട്, അബൂബക്കര്‍ സിദ്ധീഖ് അസ്ഹരി പാത്തൂര്‍, സലാം ഫൈസി പേരാല്‍, നാഫിഅ അസ്അദി ബീരിച്ചേരി, യൂനുസ് ഫൈസി പെരുമ്പട്ട, സിറാജുദ്ധീന്‍ ഖാസിലൈന്‍, യൂനുസ് ഹസനി, ഉമറുല്‍ ഫാറൂഖ് തങ്ങള്‍, ഫാറൂഖ് ദാരിമി കൊ ല്ലമ്പാടി, ഇബ്രാഹിം മൗവ്വല്‍ സംസാരിച്ചു.