കാലിക്കടവ്: പിലിക്കോട് വറക്കോട്ടു വയല്‍ പുതിയകുളത്തില്‍ സമാപിച്ച ചെറുവത്തൂര്‍ ഉപജില്ലാ നീന്തല്‍ ചാംപ്യന്‍ഷിപ്പില്‍ ഉദിനൂര്‍ ഗവ.ഹയര്‍ സെക്കന്‍ഡറി സ്‌കൂളിനു കിരീടം. 196 പോയന്റുമായാണു തുടര്‍ച്ചയായി അഞ്ചാം തവണയും കിരീടം വിദ്യാലയം സ്വന്തമാക്കിയത്.
കുട്ടമത്ത് ഗവ.ഹയര്‍ സെക്കന്‍ഡറി സ്‌കൂള്‍ (60), ജി.വി.എച്ച്.എസ്.എസ് കയ്യൂര്‍ ( 26) എന്നീ വിദ്യാലയങ്ങള്‍ രണ്ടും മൂന്നും സ്ഥാനങ്ങള്‍ നേടി. ചാംപ്യന്‍ഷിപ്പ് വാര്‍ഡ് മെമ്പര്‍ ടി ഓമന ഉദ്ഘാടനം ചെയ്തു. വിജയികള്‍ക്ക് ഉപജില്ലാ വിദ്യാഭ്യാസ ഓഫിസര്‍ ടി.എം സദാനന്ദന്‍ സമ്മാനങ്ങള്‍ വിതരണം ചെയ്തു. എ.വി പവിത്രന്‍ അധ്യക്ഷനായി. പി.പി അശോകന്‍, കെ മധുസൂദനന്‍, പി.വി പ്രഭാകരന്‍, കെ ബാലകൃഷ്ണന്‍, വി.പി ജയകുമാര്‍, കെ രഞ്ജിത്ത് സംസാരിച്ചു.