കൊച്ചി : വടക്കന്‍  പറവൂര്‍ തത്തപളളിയില്‍ പ്രവര്‍ത്തിക്കുന്ന റിസോര്‍ട്ടിന്റെ ആവശ്യത്തിലേക്കായി സ്വാകാര്യ വാഹനങ്ങള്‍ വാടകയ്‌ക്കെടുത്തു ഉടമകള്‍ അറിയാതെ വന്‍തുകയ്ക്ക് പണയംവച്ച് തട്ടിപ്പുനടത്തുന്ന സംഘത്തിലെ രണ്ടുപേര്‍ പിടിയില്‍.
 അങ്കമാലി മുക്കന്നൂര്‍ മേനാച്ചേരി യാക്കൂബിന്റെ മകന്‍ ഫിനിക്‌സ് (33), പിറവം കക്കാട്ട് വെളളാപളളി അനീഷിന്റെ മകന്‍ റോഷന്‍ (24) എന്നിവരെയാണ് സെന്‍ട്രല്‍ പൊലീസ് പിടികൂടിയത്. ചെങ്ങന്നൂര്‍ സ്വദേശിയായ കൊച്ചുമോന്‍ എന്നയാളുടെ വാഗണര്‍ കാര്‍ എറണാകുളം സൗത്തിലുളള ഹോട്ടലില്‍വച്ച് മാസവാടകയ്ക്ക് എടുത്തശേഷം പണയപ്പെടുത്തി വന്‍തുക കൈപ്പറ്റിയെന്ന പരാതിയെ തുടര്‍ന്നാണ് പ്രതികളെ പിടിക്കൂടിയത്.
തത്തപ്പളളയില്‍ കടവ് ഹട്ട് എന്ന പേരില്‍ റിസോര്‍ട്ട് നടത്തുന്ന ആളാണ് ഒന്നാം പ്രതി. പരാതിയെ തുടര്‍ന്ന് റിസോര്‍ട്ട് പൊലീസ് പൂട്ടിയിരുന്നു.