ശ്രീനഗര്‍: ഉറിയിലെ സൈനിക ബ്രിഗേഡ് ആസ്ഥാനത്തിലുണ്ടായ ഭീകരക്രമണത്തില്‍ പരിക്കേറ്റ് ചികിത്സയിലായിരുന്ന ഒരു സൈനികന്‍ കൂടി മരിച്ചു. ഒഡീഷ സ്വദേശിയായ ബിഎസ്എഫ് ജവാന്‍ പിതാബസ് മാജിയാണ് (30) മരിച്ചത്. ഗുരുതരമായി പരിക്കേറ്റ് ചികിത്സയിലായിരുന്ന മാജി ശനിയാഴ്ച രാത്രിയാണ് മരിച്ചത്. ഇതോടെ ഉറി ഭീകരാക്രമണത്തില്‍ മരിച്ച സൈനികരുടെ എണ്ണം 19 ആയി.

2008 ല്‍ ആണ് മാജി സൈന്യത്തില്‍ ചേരുന്നത്. ഭാര്യ ആദ്യ കുട്ടിക്ക് ജന്മം നല്‍കുന്നതിനു സാക്ഷിയാവാന്‍ വീട്ടിലേക്ക് പോകാന്‍ തയാറെടുക്കുന്നതിനിടെയാണ് ഭീകരാക്രമണം ഉണ്ടായത്.

കഴിഞ്ഞ ഞായറാഴ്ചയാണ് ഉറിയിലെ സൈനിക ബ്രിഗേഡ് ആസ്ഥാനത്ത് ഭീകരാക്രമണം നടന്നത്. ആക്രണത്തില്‍ നേരത്തെ 18 പേര്‍ മരിച്ചിരുന്നു.
ഉറി ഭീകരാക്രമണം ഇന്ത്യയെ നെട്ടിച്ച അക്രമമായിരുന്നു. സൈനിക ആസ്ഥാനത്ത് നുഴഞ്ഞ് കയറിയ ഭീകരരാണ് സൈനികര്‍ക്ക് നേരെ വെടിവെച്ചത്. അക്രമത്തിന് പിന്നില്‍ പാകിസ്താനാണെന്ന് ഇന്ത്യ ആരോപിച്ചു.