ശ്രീകാര്യം: മദ്യപിച്ചു ബഹളമുണ്ടാക്കുന്നതറിഞ്ഞ് പിടികൂടാനെത്തിയ പൊലിസുകാരെയും എസ്.ഐയെയും ആക്രമിച്ചയാളെ അറസ്റ്റ് ചെയ്തു. ചെല്ലമംഗലം താഴെകരിയം കൃഷ്ണാര്‍ച്ചിതം വീട്ടില്‍ ദിനേശ് കുമാറിനെ(31) യാണ് ശ്രീകാര്യം പൊലിസ് അറസ്റ്റ് ചെയ്തത്. കഴിഞ്ഞ ദിവസം വൈകുന്നേരം ആറരയോടെയായിരുന്നു സംഭവം. മദ്യലഹരിയില്‍ വീട്ടില്‍ അക്രമം കാണിക്കുന്നുവെന്ന് നാട്ടുകാരും ബന്ധുക്കളും അറിയിച്ചതിനെ തുടര്‍ന്ന് സ്ഥലത്തെത്തിയ ശ്രീകാര്യം സ്റ്റേഷനിലെ പൊലിസുകാരായ രാജേഷിനെയും അജിത്തിനെയും ഇയാള്‍ ആക്രമിച്ചു. പിന്നീട് ബലപ്രയോഗത്തിലൂടെ സ്റ്റേഷനിലെത്തിച്ച ഇയാളെ കോടതിയില്‍ ഹാജരാക്കി.