നെടുമങ്ങാട്: ജോലിക്ക് പോയി മടങ്ങി വന്ന യുവാവിനെ വഴിയില്‍ തടഞ്ഞു നിറുത്തി മര്‍ദിച്ചു കൊലപ്പെടുത്താന്‍ ശ്രമിച്ച കേസില്‍ ഗുണ്ടാ ആക്ട് പ്രതിയടക്കം മൂന്നുപേര്‍ അറസ്റ്റില്‍.
ഇരിഞ്ചയം പറയന്‍കാവ് സ്വദേശി റോബിന്‍ (28), താന്നിമൂട് തടത്തരികത്ത് വീട്ടില്‍ ഷിബു (36), പറയന്‍കാവ് കൂവക്കാട് വീട്ടില്‍ അരുണ്‍ (30) എന്നിവരെയാണ് നെടുമങ്ങാട് പൊലിസ് അറസ്റ്റ് ചെയ്തത്. കഴിഞ്ഞ 22ന് രാത്രി 10 മണിക്ക് ജോലികഴിഞ്ഞു മടങ്ങി വന്ന ഉണ്ടപ്പാറ പറയന്‍കാവ് സമീറ കോട്ടേജില്‍ ഫിര്‍ദൗസി (21)നെബൈക്കിലെത്തിയ പ്രതികള്‍വഴിയില്‍ തടഞ്ഞുനിറുത്തി മര്‍ദിക്കുകയായിരുന്നു. ഇനി ഈ വഴിയിലൂടെ നടക്കരുതെന്ന് പറഞ്ഞായിരുന്നു മര്‍ദനമെന്ന് പൊലിസ് പറഞ്ഞു. ഗുരുതരമായി പരുക്കേറ്റ ഇയാള്‍ നെടുമങ്ങാട് ജില്ലാ ആശുപത്രിയില്‍ ചികിത്സയിലാണ്. അറസ്റ്റ് ചെയ്ത പ്രതികളെ കോടതിയില്‍ ഹാജരാക്കി റിമാന്റ് ചെയ്തു.