കോയമ്പത്തൂര്‍: ദേഹാസ്വാസ്ഥ്യത്തെ തുടര്‍ന്ന് ചെന്നൈ അപ്പോളോ ആശുപത്രിയില്‍ ചികിത്സയില്‍ കഴിയുന്ന തമിഴ്‌നാട് മുഖ്യമന്ത്രി ജയലളിതയ്ക്ക് നാലാം ദിവസമായ ഇന്നലെയും ചികിത്സ തുടര്‍ന്നു. തീവ്ര പരിചരണ വിഭാഗത്തില്‍ കഴിയുന്ന ജയലളിതയെ കാണാന്‍ ലോക്‌സഭാ ഡെപ്യൂട്ടി സ്പീക്കര്‍ തമ്പിദൂരെ, തമിഴ്‌നാട് ആരോഗ്യമന്ത്രി, തമിഴ്‌നാട് ആരോഗ്യമന്ത്രി വിജയ ഭാസ്‌കരന്‍, ആരോഗ്യ സെക്രട്ടറി രാധാകൃഷ്ണന്‍ എന്നിവര്‍ എത്തിയെങ്കിലും കാണാന്‍ അനുമതി ലഭിച്ചില്ല. ജയലളിതയ്ക്ക് കരള്‍ രോഗമാണെന്നാണ് സൂചന.