ചെറുതുരുത്തി: സി.ബി.എസ്.ഇ സംസ്ഥാന തല ഖോഖൊ ടൂര്‍ണ്ണമെന്റ് ഒക്ടോബര്‍ 20 മുതല്‍ 27 വരെ ആറ്റൂര്‍ അറഫ സ്‌കൂളില്‍ വച്ച് നടക്കും. കേരളത്തിലെ 50 സ്‌കൂളുകളില്‍ നിന്നുള്ള ആയിരത്തിലേറെ കുട്ടികള്‍ ടൂര്‍ണ്ണമെന്റില്‍ പങ്കെടുക്കും. ടൂര്‍ണ്ണമെന്റ് വന്‍ വിജയമാക്കാന്‍ വിപുലമായ സംഘാടക സമിതിക്ക് രൂപം നല്‍കി. അറഫ ട്രസ്റ്റ് ചെയര്‍മാന്‍ കെ.എസ് അബ്ദുല്ല (ചെയര്‍മാന്‍), ജനറല്‍ സെക്രട്ടറി കെ.എസ് ഹംസ (സെക്രട്ടറി), പ്രിന്‍സിപ്പല്‍ വസന്ത മാധവന്‍ (ജനറല്‍ കണ്‍വീനര്‍), കെ.ഉണ്ണികൃഷ്ണന്‍ (ചീഫ് കേ-ഓര്‍ഡിനേറ്റര്‍) എന്നിവരാണ് ഭാരവാഹികള്‍.