തൃശൂര്‍: കേരള സ്റ്റേറ്റ് ലൈബ്രറി കൗണ്‍സിലിന്റെ ആഭിമുഖ്യത്തില്‍ ആരംഭിക്കുന്ന സ്റ്റേറ്റ് ചില്‍ഡ്രന്‍സ് ലൈബ്രറി വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ് ഉദ്ഘാടനം ചെയ്തു. പുസ്തകങ്ങള്‍ മാത്രമല്ല, ആശയങ്ങള്‍ക്കൂടി കുട്ടികള്‍ക്കു സംഭാവന ചെയ്യാന്‍ വായനശാലകള്‍ക്കും വായനശാലാ പ്രവര്‍ത്തകര്‍ക്കും കഴിയണം. സാമൂഹ്യ പരിഷ്‌കരണത്തിനു വിത്തുപാകാന്‍ ലൈബ്രറികള്‍ക്ക് കഴിഞ്ഞാലേ കുട്ടികളുടെ വായനശാലയുടെ ലക്ഷ്യം സാര്‍ഥകമാകൂ. വായനയ്ക്ക് പുസ്തകങ്ങള്‍ തെരഞ്ഞെടുക്കുന്നതിലൂടേയും വായനയുടെ ഗൗരവത്തിലൂടേയും ശരിയായ ദിശാബോധം ഉണ്ടാക്കുന്നതിന്  ഗ്രന്ഥശാലാ പ്രവര്‍ത്തകരും രക്ഷിതാക്കളും ശ്രദ്ധിക്കണമെന്നും മന്ത്രി അഭിപ്രായപ്പെട്ടു. സ്റ്റേറ്റ് ലൈബ്രറി കൗണ്‍സില്‍ വൈസ് പ്രസിഡന്റ് ചവറ കെ.എസ് പിള്ള അധ്യക്ഷനായി. ജില്ലാ ലൈബ്രറി കൗണ്‍സില്‍ പ്രസിഡന്റ് മുരളി പെരുനെല്ലി എം.എല്‍.എ അംഗത്വ വിതരണം ഉദ്ഘാടനം ചെയ്തു