ഇരിക്കൂര്‍: ഇരിക്കൂര്‍ റൂട്ടില്‍ സര്‍വിസ് നടത്തുന്ന സ്വകാര്യബസുകള്‍ അവധിദിനങ്ങളില്‍ ട്രിപ്പ് മുടക്കുന്നതായി പരാതി. കണ്ണൂര്‍- ഇരിക്കൂര്‍-ബ്ലാത്തൂര്‍,  ഇരിട്ടി- തളിപ്പറമ്പ്,  ഇരിക്കൂര്‍- മട്ടന്നൂര്‍, ഇരിക്കൂര്‍- ശ്രീകണ്ഠപുരം, ഇരിക്കൂര്‍- അടുവാപ്പുറം, ചൂളിയാട്-തലശ്ശേരി റൂട്ടിലോടുന്ന ബസുകളാണു സര്‍വിസ് മുടക്കുന്നത്. അവധിദിനങ്ങളില്‍ പകുതിയോളം ബസുകള്‍ മാത്രമാണു സര്‍വിസ് നടത്തുന്നത്.
ദീര്‍ഘനേരം കഴിഞ്ഞെത്തുന്ന ബസുകളില്‍ കയറിപ്പറ്റാന്‍ സ്ത്രീകളും കുട്ടികളും വയോധികരുമടങ്ങുന്ന യാത്രക്കാര്‍ പാടുപെടുകയാണ്.  ടാക്‌സിവാഹനങ്ങളെ ആശ്രയിച്ചാണു പലരും വീടണയുന്നത്. സ്വകാര്യബസുകള്‍ വിവാഹത്തിനും മറ്റുമായി സര്‍വിസ് നടത്തുകയാണെന്നു യാത്രക്കാര്‍ ആരോപിക്കുന്നു. കെ. എസ്. ആര്‍.ടി.സി ബസുകളും അവധി ദിനങ്ങളില്‍ ഓടാറില്ലെന്നും ആരോപണമുണ്ട്.